تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تبسيط المقادير الجبرية

أحمد مدحت

اختصر (٣ﺱ + ٤)^٢.

٠١:٢٤

‏نسخة الفيديو النصية

عندنا في المثال عايزين نختصر المقدار تلاتة س زائد أربعة الكل تربيع. بالنسبة للمقدار اللي عندنا، عبارة عن مربع مجموع حدين، وبيكون مفكوكه عبارة عن مربع الحد الأول زائد اتنين في حاصل ضرب الحد الأول في الحد التاني زائد مربع الحد التاني.

فمثلًا لو عندنا مربع مجموع حدين على الشكل أ زائد ب الكل تربيع، ومفكوكه هيساوي أ تربيع زائد اتنين أ ب زائد ب تربيع؛ بنفس الطريقة هيبقى المقدار تلاتة س زائد أربعة الكل تربيع يساوي تلاتة س الكل تربيع زائد اتنين في تلاتة س في أربعة زائد أربعة تربيع.

بالنسبة لتلاتة س الكل تربيع، فتساوي تسعة س تربيع. أما اتنين في تلاتة س في أربعة فيساوي أربعة وعشرين س. وبالنسبة لأربعة تربيع فتساوي ستاشر. معنى كده إن المقدار تلاتة س زائد أربعة الكل تربيع يساوي تسعة س تربيع زائد أربعة وعشرين س زائد ستاشر.

وبكده يبقى إحنا اختصرنا المقدار تلاتة س زائد أربعة الكل تربيع.