فيديو: إيجاد النسبة في أبسط صورة بين أعداد مجموعتين لمربعات مُلوَّنة

في الشكل التالي، أوجد نسبة الأجزاء الحمراء إلى الأجزاء الخضراء في أبسط صورة.

٠١:٥٢

‏نسخة الفيديو النصية

في الشكل التالي، أوجد نسبة الأجزاء الحمراء إلى الأجزاء الخضراء في أبسط صورة.

ومعطى عندنا الشكل اللي قدامنا. وعندنا أجزاء باللون الأحمر، وأجزاء باللون الأخضر. فعشان نوجد النسبة بينهم، يبقى في الأول عايزين نعدّ عدد الأجزاء اللي موجودة في كلّ لون. وهنبدأ في الأول نعدّ الأجزاء اللي باللون الأحمر. فهيبقى عندنا: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر. فمعنى كده إن عدد الأجزاء الحمراء هي تلتاشر.

بعد كده عايزين نشوف عدد الأجزاء الخضراء، فبنفس الطريقة هنبدأ نعدّهم. فهيبقى عندنا: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر. يعني معنى كده إن عدد الأجزاء الخضرا اللي في الشكل اتناشر.

بعد كده المطلوب في السؤال إننا نوجد نسبة الأجزاء الحمراء إلى الأجزاء الخضراء. ونسبة الأجزاء الحمرا إلى الأجزاء الخضرا معناها عدد الأجزاء الحمراء مقسوم على عدد الأجزاء الخضراء. فهتبقى النسبة بتساوي تلتاشر، اللي هو عدد الأجزاء الحمراء، مقسوم على اتناشر، اللي هو عدد الأجزاء الخضراء.

والمطلوب إننا نوجد النسبة في أبسط صورة. وبالتالي هتبقى النسبة تلتاشر على اتناشر هي في أبسط صورة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.