فيديو: إيجاد إحداثيات نقطة تقع في مستوى بمعلومية معادلة المستوى

أيٌّ من النقاط التالية يقع في المستوى ٣(ﺱ + ٤) − ٢(ﺹ + ١) − ٧(ﻉ − ٦) = ٠؟ [أ] (٣، −٢، −٧) [ب] (٧، −١، −١٣) [ج] (٤، ١، −٦) [د] (−٤، −١، ٦)

٠٣:٠٣

‏نسخة الفيديو النصية

أي من النقاط التالية يقع في المستوى: تلاتة في س زائد أربعة، ناقص، اتنين في ص زائد الواحد، ناقص، السبعة في الـ ع ناقص الستة، بيساوي صفر؛ النقطة تلاتة وسالب اتنين وسالب سبعة، ولّا سبعة وسالب واحد وسالب تلتاشر، ولّا أربعة وواحد وسالب ستة، ولا سالب أربعة وسالب واحد وستة؟

علشان نعرف إذا كانت النقطة تقع في المستوى ولا لأ يعني هنعوّض بيها في معادلة المستوى، النقطة تلاتة وسالب اتنين وسالب سبعة، يبقى هنعوّض بيهم، يبقى تلاتة، قيمة السينات بتلاتة زائد الأربعة، ناقص الاتنين، قيمة الصادات بسالب اتنين زائد الواحد، ناقص السبعة، الـ ع قيمتها سالب السبعة ناقص الستة، المفروض الكلام ده يساوي صفر. دي قيمتها هتبقى واحد وعشرين، وهنا سالب واحد، وهنا سالب واحد وتسعين، يعني واحد وعشرين، زائد الواحد، زائد الواحد وتسعين، طبعًا ده استحالة يساوي صفر؛ يبقى النقطة الأولى لا تقع في المستوى.

هنعوّض بالنقطة التانية، يبقى تلاتة في، سبعة زائد الأربعة، ناقص الاتنين، في السالب واحد زائد الواحد، ناقص السبعة، في السالب تلتاشر ناقص الستة، هيساوي صفر؛ يعني المفروض الكلام ده يساوي صفر، ده قيمتها تلاتة وتلاتين وهنا دي صفر، وسالب مية تلاتة وتلاتين؛ يعني تلاتة وتلاتين زائد المية تلاتة وتلاتين، طبعًا دي لا تساوي صفر، يبقى ما بتحققش، يبقى النقطة دي لا تقع في المستوى.

النقطة اللي بعدها هتبقى تلاتة، في، أربعة زائد الأربعة، ناقص اتنين، في، واحد زائد الواحد، ناقص السبعة، في، السالب الستة ناقص الستة، المفروض الكلام ده يساوي الصفر. تلاتة في تمنية بأربعة وعشرين، وهنا أربعة، وهنا سالب أربعة وتمانين، يبقى أربعة وعشرين ناقص الأربعة زائد الأربعة وتمانين، هنلاقيها هي كمان لا تساوي صفر، يبقى كمان النقطة دي لا تقع في المستوى.

هنعوّض بالنقطة الأخيرة: تلاتة في، سالب أربعة زائد أربعة، ناقص اتنين، في، سالب واحد زائد واحد، ناقص السبعة، في، الستة ناقص الستة، المفروض تساوي الصفر. هنلاقي دي قيمتها صفر، ودي قيمتها صفر، ودي قيمتها صفر، فعلًا هتساوي الصفر، يبقى النقطة اللي تقع في المستوى هي السالب أربعة والسالب واحد والستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.