فيديو: إيجاد مجموعة حل متباينة ذات خطوة واحدة في مجموعة الأعداد الطبيعية

اكتب مجموعة حل ﺱ − ٧ ⩾ −٢، إذا كان ﺱ ∈ ﻃ.

٠١:٠٦

‏نسخة الفيديو النصية

اكتب مجموعة حل: س ناقص سبعة أكبر من أو يساوي سالب اتنين، إذا كان س ينتمي إلى ط.

دلوقتي إحنا مطلوب منّنا نوجد مجموعة الحل للمتباينة اللي عندنا دي؛ بحيث إن س ينتمي إلى ط. حيث ط هي مجموعة الأعداد الطبيعية، اللي هي صفر، واحد، اتنين، تلاتة، أربعة … وهكذا.

إزّاي هنقدر نوجد حل للمتباينة؟ بنحاول نخلّي المتغير س في أحد الأطراف لوحده. ففي الحالة اللي عندنا دي، هنجمع سبعة على طرفَي المتباينة. فهيبقى عندنا س أكبر من أو يساوي خمسة. وبما إن س بتنتمي إلى ط، يبقى عايزين نشوف من ما بين مجموعة الأعداد الطبيعية، إيه قيم س اللي تحقّق لنا المتباينة. يعني تكون أكبر من أو تساوي خمسة. يعني هنبدأ بالعدد خمسة، وبعدين ستة، وسبعة … وهكذا.

يبقى كده قدرنا نستنتج مجموعة الحل للمتباينة اللي عندنا، وهي المجموعة: خمسة، وستة، وسبعة، وتمنية … وهكذا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.