فيديو: تحديد الأشكال

أيٌّ من الأشكال الآتية يُشبه الوجه المظلَّل في متوازي المستطيلات؟ [أ] شكل أ [ب] شكل ب [ج] شكل ج [د] شكل د

٠١:٥٣

‏نسخة الفيديو النصية

أيٌّ من الأشكال الآتية يشبه الوجه المظلّل في متوازي المستطيلات؟

ومُعطى عندنا الاختيارات اللي هما الأربع أشكال اللي قدامنا، وعايزين نشوف أنهي شكل من الأشكال دي بيشبه الوجه المظلّل اللي في متوازي المستطيلات ده.

فأول حاجة هنشوف الشكل أ، وهنلاحظ إن الشكل أ هو شكل مربّع، وخلينا نفتكر إن المربع بتبقى جميع أضلاعه متساوية، فلمّا نيجي نشوف الوجه المظلّل في متوازي المستطيلات اللي عندنا، هنلاحظ إن الأربع أضلاع فيه مش متساويين، فبالتالي الوجه المظلّل ده مش هينفع يكون مربع؛ فمعنى كده إن الاختيار أ اختيار خاطئ.

بعد كده هنشوف الشكل ب، وهنلاحظ إن الشكل ب هو شكل دايرة، وبالتالي شكل الدايرة مش هيشبه الوجه المظلّل اللي عندنا في متوازي المستطيلات؛ فبالتالي الاختيار ب اختيار خاطئ.

بعد كده هنشوف الشكل ج، وهنلاحظ إن الشكل ج هو شكل مثلث، والمثلث بيبقى فيه تلات أضلاع، لكن الوجه المظلّل عندنا في الشكل ليه أربع أضلاع؛ فبالتالي هيبقى الاختيار ج اختيار خاطئ.

وآخر حاجة هنيجي عند آخر شكل اللي هو الشكل د، وهنلاحظ إن الشكل عبارة عن مستطيل، وخلينا نفتكر إن المستطيل بيبقى شكل ليه أربع أضلاع، لكن الأربع أضلاع مش متساويين، لكن بيبقى كل ضلعين متقابلين متطابقين؛ يعني كل ضلعين قدام بعض بيبقى ليهم نفس القياس، فلمّا نيجي نشوف الوجه المظلّل في متوازي المستطيلات، هنلاحظ إن كل ضلعين متقابلين ليهم نفس القياس؛ وبالتالي هيبقى الوجه المظلّل في متوازي المستطيلات هو مستطيل، فبالتالي هيبقى الشكل اللي بيشبه الوجه المظلّل هو الشكل د اللي هو المستطيل. فهتبقى الإجابة الصحيحة هي الاختيار د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.