فيديو: نموذج تدريب امتحان الفيزياء • ٢٠١٩ • السؤال العشرون أ

نموذج تدريب امتحان الفيزياء • ٢٠١٩ • السؤال العشرون أ

٠١:٢٣

‏نسخة الفيديو النصية

ما المصطلح العلمي الدال على المصادر الضوئية التي ينبعث معظم الضوء الصادر منها بالانبعاث المستحث؟

انبعاث أي ضوء بيحصل عن طريق إن يبقى في ذرة مثارة تنزل لمستوى طاقة أدنى. وبينبعث فوتون ضوء طاقته بتساوي فرق الطاقة اللي ما بين المستويين. وانبعاث الفوتون ده ممكن يبقى انبعاث تلقائي. وده بيحصل لما يبقى فيه ذرة مثارة تنزل لمستوى طاقة أدنى منها من تلقاء نفسها. يعني ما فيش أي حاجة حثّتها على إنها تنزل لمستوى الطاقة الأدنى. والفوتونات اللي بتصدر نتيجة الانبعاث التلقائي بتنتشر في اتجاهات عشوائية. وفرق الطول بينها بيبقى عشوائي.

وممكن الذرة تفقد طاقتها عن طريق الانبعاث المستحث. وده بيحصل لما يسقط على الذرة فوتون طاقته بتساوي فرق الطاقة بين المستوى الأعلى والمستوى الأدنى. فده بيخلّي الذرة تفقد طاقتها. وبينبعث فوتون ليه نفس الطول الموجي للفوتون اللي سقط على ذرة. وكمان بيبقى ليه نفس فرق الطور. وبينتشر في نفس اتجاه الفوتون الأصلي. فده بيخلي الشعاع اللي بيصدر من الانبعاث المستحث يبقى مترابط، وفي اتجاه واحد. وأشهر تطبيق للانبعاث المستحث هو جهاز الليزر. وده لأن أشعته بتمشي في اتجاه واحد، وبيبقى ليها فرق طور واحد. فنقدر كده نقول إن المصادر الضوئية اللي بينبعث معظم الضوء الصادر منها بالانبعاث المستحث، المصطلح العلمي اللي بيدل عليها هو الليزر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.