فيديو: إيجاد ناتج جمع ثلاثة كسور ذات مقامات مختلفة والتعبير عنه بعدد كسري

أوجد ناتج ٦/١ + ٨/٥ + ٢/١ في صورة عدد كسري.

٠٢:٠٠

‏نسخة الفيديو النصية

أوجد ناتج واحد على ستة، زائد خمسة على تمنية، زائد واحد على اتنين، في صورة عدد كسري.

عشان نجمع واحد على ستة، زائد خمسة على تمنية، زائد واحد على اتنين. هنجيب الأول المضاعف المشترك الأصغر للتلات أعداد أو للمقامات؛ عشان نوحدها. هنلاحظ إن المضاعف المشترك الأصغر لستة وتمنية واتنين المقامات، هيساوي أربعة وعشرين.

إذن عشان نخلّي المقام بتاع الكسر الأولاني يكون أربعة وعشرين، هنضرب ستة في أربعة. وبالتالي هنضرب البسط في أربعة. وعشان نخلّي مقام الكسر التاني يبقى أربعة وعشرين، هنضرب تمنية في تلاتة. وهنضرب البسط كمان في تلاتة. وعشان نخلّي المقام التالت يبقى أربعة وعشرين، هنضرب اتنين في اتناشر. وكمان البسط في اتناشر.

يعني هيساوي أربعة على أربعة وعشرين، زائد خمستاشر على أربعة وعشرين، زائد اتناشر على أربعة وعشرين. يعني هيساوي … المقام أربعة وعشرين، وهنجمع البسوط أربعة زائد خمستاشر زائد اتناشر. يعني هيساوي واحد وتلاتين على أربعة وعشرين.

عشان نكتب الناتج في صورة عدد كسري، هنستعمل القسمة المطوّلة. هنقسم واحد وتلاتين على أربعة وعشرين. تلاتة على أربعة وعشرين هيساوي صفر. واحد وتلاتين على أربعة وعشرين هيساوي واحد. واحد في أربعة وعشرين هيساوي أربعة وعشرين. هنطرح واحد ناقص أربعة مش هينفع. واحد هتبقى حداشر وتلاتة هتبقى اتنين. حداشر ناقص أربعة هيساوي سبعة. واتنين ناقص اتنين هيساوي صفر.

يعني الجزء الصحيح هو الواحد. والباقي اللي هو سبعة هيكون البسط، والمقام أربعة وعشرين زي ما هو. يعني هيساوي واحد وسبعة على أربعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.