فيديو: استخدام الصور لحل مسائل الطرح الكلامية التي تتضمن أعدادًا حتى العدد ٢٠

صممت رانيا برجًا من ١٤ مكعبًا، ولكن سقط ٦ مكعبات منها. كم مكعبًا لا يزال في البرج؟

٠٢:٢٧

‏نسخة الفيديو النصية

صممت رانيا برجًا من أربعتاشر مكعبًا. ولكن سقط ستة مكعبات منها. كم مكعبًا لا يزال في البرج؟

فيه بنت اسمها رانيا، كانت بتبني البرج الأزرق اللي قدامنا ده. ولكن وهي بتبنيه وقع منه شويّة مكعبات. البرج اللي هي كانت بتبنيه، كان عبارة عن أربعتاشر مكعب. الأربعتاشر مكعب دول وقع منهم ست مكعبات، اللي هم الستة دول: واحد، اتنين، تلاتة، أربعة، خمسة، ستة. الست مكعبات دول وقعوا من البرج، فكم مكعب هيتبقّى لنا في البرج؟

إحنا قلنا البرج كله اللي رانيا بَنته كان أربعتاشر مكعب. شِلنا منهم، أو وقع منهم؛ يعني هنطرح، ناقص، ست مكعبات. الباقي أو الناتج اللي هيكون هنا، هو عدد المكعبات اللي هتتبقّى في البرج. فمحتاجين نطرح أربعتاشر ناقص ستة.

أربعتاشر ناقص ستة هتساوي إيه؟ إحنا لو جينا نبصّ على الصورة، وتخيّلنا إن المكعبات الزرقا دي، كان فوقيها المكعبات الصفرا الستة، اللي وقعوا دول. يعني هم كانوا هيبقوا موجودين فوقه، بالشكل ده كده، الستة. عشان يبقى الستة دول، مع المكعبات الزرقا دول، يساوي الأربعتاشر مكعب كلهم. ولكن إحنا شِلنا الست مكعبات، فيتبقّى لنا إيه؟ يتبقى لنا المكعبات الزرقا دي. اللي هم كام مكعب؟ واحد، اتنين، تلاتة، أربعة، خمسة، ستة، سبعة، تمنية. يبقى كده الباقي تمنية.

تاني؛ إحنا عملنا إيه؟ إحنا قلنا إن رانيا كانت بانية برج طويل، اللي هو ده كده كله، عبارة عن أربعتاشر مكعب. وقع منه ستة؛ يعني الستة دول هنشيلهم. هيتبقّى لنا كام؟ هيتبقّى لنا المكعبات الزرقا دي. لمّا عدّيناهم لقيناهم تمنية. فده معناه إن الإجابة هي تمنية. وهي دي عدد المكعبات اللي ما زالت في البرج، وما وقعتش. اللي هي المكعبات اللي لونها أزرق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.