فيديو: تحديد إذا كانت العلاقة الممثَّلة بمخطط سهمي تمثِّل دالة أو لا

أيٌّ من العلاقات التالية تمثِّل دالة من ﺱ إلى ﺹ؟ [أ] (ع_١) [ب] (ع_٢) [ج] (ع_٣) [د] (ع_٤)

٠٢:٢١

‏نسخة الفيديو النصية

أيّ من العلاقات التالية تمثّل دالة من س إلى ص؟

ومُعطى عندنا في الشكل أربع علاقات؛ ع واحد، ع اتنين، ع تلاتة، وَ ع أربعة. وعشان نشوف أنهي علاقة من دول بيمثّلوا دالة من س إلى ص، خلينا في الأول نفتكر إيه هي الدالة. والدالة هي العلاقة اللي بتحدّد قيمة مُخرَجة واحدة فقط لكل قيمة مُدخَلة، فلمّا نيجي نشوف الأربع علاقات اللي عندنا في الشكل، هنلاقي إن المُدخَلات اللي هي س والمُخرَجات ص، فعشان نشوف أنهي علاقة من دول بتمثّل دالة، لازم يكون لكل قيمة من المُدخَلات قيمة واحدة فقط من المُخرَجات؛ فمثلًا لو جينا نشوف العدد واحد هنا في المُدخَلات، هنلاحظ إن ليه قيمتين في المُخرجَات اللي هم سالب تسعة وسالب اتنين؛ فبالتالي هتبقى العلاقة ع تلاتة مش بتمثّل دالة.

وبنفس الطريقة لو جينا مثلًا نشوف ع أربعة، هنلاحظ إن العدد سالب اتنين في المُدخَلات موجود ليه قيمتين في المُخرَجات اللي هم سالب تسعة وسالب اتنين؛ فمعنى كده برضو إن ع أربعة مش بتمثّل دالة.

بعد كده خلينا نشوف ع اتنين، فهنلاحظ إن سالب اتنين في المُدخَلات برضو ليها قيمتين في المُخرَجات اللي هم سالب أربعة وسالب اتنين؛ فبالتالي هتبقى برضو ع اتنين مش بتمثّل دالة.

آخر علاقة عندنا هي ع واحد، فهنلاحظ إن لكل قيمة من المُدخَلات ليها قيمة واحدة فقط من المُخرَجات، وعلى الرغم من إن التلات مُدخَلات ليهم نفس القيمة في المُخرَجات اللي هي سالب أربعة. لكن برضو العلاقة حقّقت الشرط إن لكل قيمة من المُدخَلات قيمة واحدة من المُخرَجات حتى لو كانت نفس القيمة؛ فبالتالي هتبقى العلاقة ع واحد بتمثّل دالة من س إلى ص. وبالتالي هيبقى إجابة السؤال: «أيّ من العلاقات التالية تمثّل دالة من س إلى ص؟» هي العلاقة ع واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.