فيديو: ترتيب أعداد صحيحة مُعطاة ترتيبًا تنازليًّا

رتِّب −٩، ٤، ١٤، ١١، −١٥، −١٢ ترتيبًا تنازليًّا.

٠١:٣٢

‏نسخة الفيديو النصية

رتّب: سالب تسعة، أربعة، أربعتاشر، حداشر، سالب خمستاشر، سالب اتناشر. ترتيبًا تنازليًّا.

في البداية الترتيب التنازلي هو ترتيب الأعداد من الأكبر إلى الأصغر. بالاستعانة بخط الأعداد هنلاحظ إنه الترتيب التنازلي في الاتجاه الموضّح من اليمين إلى اليسار، يعني هنبتدي بالأعداد الموجبة الأول وبعدين الصفر وبعدين الأعداد السالبة. لمّا هنبص على الأعداد اللي معطاة في السؤال هنبتدي بالأعداد الموجبة، هنلاحظ إن عندي أربعة وأربعتاشر وحداشر، أكبر عدد موجب فيها هو أربعتاشر وهو ده أول عدد في الترتيب، هنكتبه وهشطب عليه. بعدين هنكتب حداشر لأن ده تاني أكبر عدد موجب، هكتبه وأشطب عليه. بعد كده تالت عدد موجب وهو أربعة، هكتبه وأشطب عليه. هيتبقى التلات أعداد السالبة؛ سالب تسعة، وسالب خمستاشر، وسالب اتناشر. هنلاحظ من خط الأعداد إن سالب واحد أكبر من سالب اتنين، وسالب اتنين أكبر من سالب ستة؛ يعني أقدر أقول إن سالب تسعة أكبر من سالب خمستاشر وسالب اتناشر، هكتبه وهشطب عليه. هيتبقى سالب خمستاشر وسالب اتناشر. هنلاحظ إنه سالب اتناشر أكبر من سالب خمستاشر، فهنكتب الأول سالب اتناشر وبعدين سالب خمستاشر. وبكده أقدر أقول إنه الترتيب التنازلي هو: أربعتاشر، حداشر، أربعة، سالب تسعة، سالب اتناشر، سالب خمستاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.