فيديو: استخدام الجداول التكرارية لحساب الوسط الحسابي لمجموعة بيانات

باستخدام البيانات الموضَّحة في الجدول، احسب الوسط الحسابي للأعداد، لأقرب رقمين عشريين.

٠٢:٥١

‏نسخة الفيديو النصية

باستخدام البيانات الموضحة في الجدول، احسب الوسط الحسابي للأعداد لأقرب رقمين عشريين. ومعطى عندنا الجدول اللي قدامنا، وعندنا العدد والخانات هي: صفر، وواحد، واتنين، وتلاتة، وأربعة. وأما التكرار فعندنا: خمسة، وخمستاشر، واتنين وعشرين، وأربعين، وستة. والمطلوب إننا نحسب الوسط الحسابي للأعداد.

وخلينا في الأول نفتكر إن الوسط الحسابي لمجموعة من البيانات بيساوي مجموع البيانات مقسوم على عددها. فلمّا نيجي نشوف البيانات اللي عندنا، فهنلاحظ إننا عندنا الأعداد صفر، وواحد، واتنين، وتلاتة، وأربعة. لكن كل عدد فيهم بيتكرر عدد معيّن من المرات. فمعنى كده إن العدد صفر بيتكرّر عندنا خمس مرات. والعدد واحد بيتكرر خمستاشر مرة. وهكذا.

فبالتالي علشان نوجد مجموع البيانات اللي عندنا. يبقى هنوجد مجموع كل عدد مضروب في عدد المرات اللي اتكرّرها. فبالتالي هيبقى مجموع البيانات بيساوي صفر في عدد المرات اللي اتكرّرها، ومعطى عندنا خمسة. زائد … وهكذا. فهنكتب واحد اللي هو العدد في عدد مرات تكراره اللي هي خمستاشر. وهنكمل بنفس الشكل. فيبقى عندنا مجموع البيانات هو: صفر في خمسة، زائد واحد في خمستاشر، زائد اتنين في اتنين وعشرين، زائد تلاتة في أربعين، زائد أربعة في ستة. يعني شفنا كل عدد بيتكرر كام مرة وبعد كده جمعنا مجموع جميع الأعداد.

فزي ما قلنا إن الوسط الحسابي هو عبارة عن مجموع البيانات مقسوم على عددها. فبالتالي هيبقى عدد البيانات اللي عندنا هو مجموع تكرار كل عدد فيهم. يعني هنجمع خمسة زائد خمستاشر زائد اتنين وعشرين زائد أربعين زائد ستة؛ لأن هي دي عدد المرات اللي اتكرر فيها كل عدد. فبالتالي هيبقى مجموع البيانات هو مجموع تكرار جميع الأعداد. بعد كده هنحسب قيمة المقدار اللي عندنا، فلمّا نحسب قيمة البسط فهيبقى بيساوي ميتين وتلاتة. أما المقام فلمّا نحسب قيمته هيبقى بيساوي تمنية وتمانين. وبالتالي هيبقى الوسط الحسابي يساوي ميتين وتلاتة على تمنية وتمانين. فلمّا نقسم ميتين وتلاتة على تمنية وتمانين هتبقى بتساوي اتنين علامة عشرية تلاتة صفر ستة تمنية واحد.

لكن المطلوب مننا في السؤال إننا نحسب الوسط الحسابي لأقرب رقمين عشريين. فبالتالي لمّا نقّرب الناتج اللي عندنا لأقرب رقمين عشريين، هيبقى بيساوي تقريبًا اتنين وواحد وتلاتين من مية. وهيبقى هو ده الوسط الحسابي للأعداد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.