فيديو: تحويل الأطوال من الملليمترات إلى الكيلومترات

كم ملليمترًا في ٠٫٥٥ كم؟

٠١:٥٨

‏نسخة الفيديو النصية

كم ملليمترًا في خمسة وخمسون من مائة كيلومتر؟

عشان نحوّل خمسة وخمسين من مية كيلومتر إلى ملليمتر، محتاجين أول حاجة نعرف الكيلومتر الواحد فيه كام ملليمتر. الكيلومتر الواحد فيه ألف متر، والمتر الواحد فيه مية سنتيمتر، والسنتيمتر الواحد عشرة ملليمتر؛ وبالتالي الكيلومتر الواحد هيساوي ألف متر، بعد كده هنضرب في مية عشان نحوّل لسنتيمتر، بعد كده هنضرب في عشرة عشان نحوّل لمليمتر. يعني هنضرب ألف في مية في عشرة، وده هيساوي مليون. يبقى الكيلومتر الواحد فيه مليون ملليمتر. يبقى عشان نوجد خمسة وخمسين من مية كيلومتر ده هيساوي خمسة وخمسين من مية مضروبة في مليون.

لمّا بنضرب عدد عشري زي خمسة وخمسين من مية، في عشرة، أو مية، أو ألف، أو مليون، وهكذا؛ بنحرّك العلامة العشرية في العدد العشري باتّجاه اليمين بمقدار بيساوي عدد الأصفار اللي في العدد اللي بنضرب فيه.

فبما إن المليون فيه ست أصفار، يبقى هنحرّك العلامة العشرية بمقدار ست حركات باتّجاه اليمين. وبما إن ما فيش غير رقمين على يمين العلامة العشرية، يبقى هنكتب مكان باقي الحركات أصفار، يعني هنكتب أربع أصفار على يمين الخمسة وخمسين. يبقى خمسة وخمسين من مية كيلومتر هيساوي خمسمية وخمسين ألف ملليمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.