فيديو: حل المسائل الكلامية بتكوين وحل نظام معادلات خطية تتضمَّن نِسَبًا

إذا كانت النسبة بين طولَي طريقين ١٠ : ٧، والفرق بينهما ٦ كم، فأوجد طولهما.

٠١:٥٩

‏نسخة الفيديو النصية

إذا كانت النسبة بين طولَيْ طريقين عشرة إلى سبعة، والفرق بينهما ستة كيلومتر، فأوجد طولهما.

يعني مُعطى عندنا إن النسبة بين طولَيْ طريقين عشرة إلى سبعة. فمعنى كده إن نسبة الطريق الأول إلى الطريق التاني هي عشرة إلى سبعة. ومُعطى عندنا إن الفرق بين أطوال الطريقين ستة كيلومتر. فعشان نوجد طولهم، خلّينا في الأول نشوف الفرق بين الطريقين ده نسبته قدّ إيه.

فعلشان نقدر نوجد أطوال الطريقين، يبقى الأول عايزين نشوف الفرق بين أطوال الطريقين نسبته كام. وبما إن طول الطريق الأول إلى طول الطريق التاني نسبته عشرة إلى سبعة، فمعنى كده إن نسبة الفرق هي عشرة ناقص سبعة، واللي هتساوي تلاتة. فمعطى عندنا إن الفرق بين أطوال الطريقين هو ستة كيلومتر. فمعنى كده إننا علشان نقدر نوجد أطوال الطريقين، فمثلًا لو عايزين نوجد طول الطريق الأول، يبقى هنعمل ضرب تبادلي بالشكل ده. فبالتالي هيبقى طول الطريق الأول ستة في عشرة، الكل على تلاتة. فلمّا نحسب ستة في عشرة بتساوي ستين. وستين على تلاتة بتساوي عشرين. وبالتالي هيبقى طول الطريق الأول هو عشرين كيلومتر.

بعد كده بنفس الطريقة، عشان نوجد طول الطريق التاني، يبقى بنفس الطريقة هنعمل ضرب تبادلي بالشكل ده. فهيبقى طول الطريق التاني بيساوي ستة في سبعة، الكل على تلاتة. فلمّا نحسب ستة في سبعة بتساوي اتنين وأربعين. واتنين وأربعين على تلاتة بتساوي أربعتاشر. وبالتالي هيبقى طول الطريق التاني هو أربعتاشر كيلومتر.

وبالتالي هتبقى إجابة السؤال: «أوجد طولهما.»، اللي همّ الطريقين … هتبقى الإجابة هي: أربعتاشر كيلومتر، وعشرين كيلومتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.