فيديو: مقارنة عددين كبيرين

هل ٢١٤٥٣٨<، أو =، أو >٢١٤٥٣٨؟

٠١:٢٣

‏نسخة الفيديو النصية

هل ميتين وأربعتاشر ألف خمسمية تمنية وتلاتين أصغر من، أو يساوي، أو أكبر من ميتين وأربعتاشر ألف خمسمية تمنية وتلاتين؟ لو بصينا على العددين اللي عندنا هنلاقي إن كل واحد منهم بيتكون من ست أرقام، يعني لو استخدمنا جدول القيم المكانية عشان نقارن بينهم، هنعوز نستخدم خانات حتى مئات الألوف، هنكتب العددين جوه جدول القيم المكانية، ونبتدي نقارن الأرقام اللي موجودة في كل خانة مكانية، ‏ديما بنبدأ المقارنة من أكبر خانة مكانية، اللي هي هنا عندنا خانة مئات الألوف، هنلاحظ إن العددين فيهم الرقم اتنين في الخانة دي، يبقوا لغاية دلوقتي العددين متساويين، بعد كده نشوف الخانة اللي قبلها مباشرةً وهي خانة عشرات الألوف، هنلاحظ برضو إن العددين فيهم الرقم واحد في الخانة دي؛ يعني برضو متساويين في خانة عشرات الألوف، هنكمِّل ونقارن الرقمين اللي مكتوبين في خانة الألوف، هنلاحظ إن هم متساويين، وبرضو بالمثل في خانة المئات هنلاقي إن الرقمين متساويين، وبرضو في خانة العشرات، ونفس الكلام في خانة الآحاد.

يعني كده نقدر نستنتج إن العددين اللي عندنا متساويين؛ يبقى العلامة المناسبة إن إحنا نستخدمها هي علامة التساوي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.