فيديو: تحديد التعبير الرياضي الذي يمثِّل موقفًا يتضمن الجمع والقسمة

اشترت أمٌّ علبتين من قطع الحلوى؛ العلبة الأولى بها ٢٢ قطعة، والثانية بها ١٨ قطعة. وزعت الحلوى بالتساوي بين ولديها. أيٌّ من العمليات الحسابية تمثِّل نصيب كل ولد؟ [أ] ٢٢ + ١٨ [ب] ١٢ + ٩ [ج] ١١ + ١٠ [د] ١١ + ٩

٠٢:١٥

‏نسخة الفيديو النصية

اشترت أم علبتين من قطع الحلوى؛ العلبة الأولى بها اتنين وعشرين قطعة، والثانية بها تمنتاشر قطعة. وَزّعت الحلوى بالتساوي بين ولديها. أيٌّ من العمليات الحسابية تمثّل نصيب كل ولد؟ اتنين وعشرين زائد تمنتاشر، ولّا اتناشر زائد تسعة، ولّا حداشر زائد عشرة، ولّا حداشر زائد تسعة.

السؤال بيقول لنا إيه؟ إن فيه أم اشترت حلوى أو حلويات، وهي عندها ولدين؛ دي الأم، وده ابنها الأول، ودي بنتها التانية. العلبتين اللي اشترتهم؛ واحدة فيهم فيها اتنين وعشرين قطعة، والتانية فيها تمنتاشر قطعة، وهي وَزّعت الحلويات كلها على التساوي بين ولادها الاتنين، فعاوزين نعرف إيه العملية الحسابية اللي بتمثّل نصيب كل ولد؛ يعني كل ولد هياخد كام قطعة من العلبة دي وكام قطعة من العلبة دي.

العلبة الأولى فيها اتنين وعشرين قطعة، فلو عاوزين نوزّعها عَ الولدين بالتساوي، يبقى الولد الأول هياخد حداشر قطعة، والولد التاني هياخد حداشر قطعة؛ عشان حداشر زائد حداشر، اتنين وعشرين. طيب بالنسبة للعلبة التانية؟ العلبة التانية فيها تمنتاشر قطعة؛ يعني الولد الأول هياخد تسع قطع، والولد التاني ياخد تسع قطع؛ علشان تسعة زائد تسعة، تمنتاشر.

لمّا الولد ياخد حداشر قطعة من العلبة الأولى، وتسع قطع من العلبة التانية، يبقى إيه هي العملية اللي إحنا ممكن نمثّل بيها نصيب الولد؟ عملية الجمع في إن هو هياخد الحداشر دي، زائد عليها التسعة دي، فيبقى ده نصيب الولد الواحد؛ حداشر زائد تسعة. ولو جينا نبصّ عليها في الاختيارات، هنلاقيها هنا؛ يبقى نصيب الولد الواحد، أو الابن الواحد، هو حداشر زائد تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.