فيديو: إيجاد حدود مُعيَّنة لمتتابعة بمعلومية حدها العام وحدها الأول

أوجد الحدود الخمسة الأولى للمتتابعة التي حدها العام ح_ﻥ + ١ = ح_ﻥ + ٥؛ حيث ﻥ ⩾ ١، ح_١ = −١٣.

٠١:٣٧

‏نسخة الفيديو النصية

أوجد الحدود الخمسة الأولي للمتابعة التي حدّها العام ح ن زائد واحد بتساوي ح ن زائد خمسة؛ حيث ن أكبر من أو تساوي واحد، ح واحد تساوي سالب تلتاشر.

بما إن الحد العام للمتتابعة هو ح ن زائد واحد بتساوي ح ن زائد خمسة، يبقى كل حد هيساوي الحد السابق ليه زائد خمسة. والحد الأول معطى بإن هو بيساوي سالب تلتاشر، يبقى الحد التاني ح اتنين هيساوي الحد السابق، اللي هو ح واحد زائد خمسة، يعني هيساوي سالب تلتاشر زائد خمسة، اللي بيساوي سالب تمنية.

والحد التالت ح تلاتة هيساوي ح اتنين، اللي هو الحد السابق ليه، زائد خمسة، يعني هيساوي سالب تمنية زائد خمسة، اللي بيساوي سالب تلاتة. الحد الرابع ح أربعة هيساوي الحد السابق ليه، اللي هو ح تلاتة زائد خمسة، يعني هيساوي سالب تلاتة زائد خمسة، اللي بيساوي اتنين. الحد الخامس هيبقى ح خمسة بيساوي الحد السابق ليه، اللي هو ح أربعة زائد خمسة، يعني هيساوي اتنين زائد خمسة، يعني بيساوي سبعة.

يبقى الحدود الخمسة الأولي للمتتابعة هي: سالب تلتاشر، سالب تمنية، سالب تلاتة، اتنين، سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.