فيديو: إيجاد عددين بمعلومية مجموعهما ومضاعفهما المشترك الأصغر

أوجد العددين اللذين مضاعفهما المشترك الأصغر هو ٤٥ ومجموعهما ٥٤.

٠٢:٠٩

‏نسخة الفيديو النصية

أوجد العددين اللذين مضاعفهما المشترك الأصغر، هو خمسة وأربعين. ومجموعهما أربعة وخمسين.

عايزين نوجد العددين، اللي المضاعف المشترك الأصغر ليهم هو خمسة وأربعين. ومجموعهم هو أربعة وخمسين. الخمسة وأربعين، كام في كام؟ خمسة وأربعين بتساوي واحد في خمسة وأربعين. وبتساوي كمان تلاتة في خمستاشر. وبتساوي كمان خمسة في تسعة. وبتساوي تسعة في خمسة.

إحنا بدأنا من أول تسعة في خمسة، هنبدأ نقرّر اللي إحنا كتبناه فوق. معنى كده إن الخمسة وأربعين بتساوي واحد في خمسة وأربعين، وتلاتة في خمستاشر، وخمسة في تسعة. يبقى نقدر نقول إن عوامل الخمسة وأربعين، هي: واحد، وتلاتة، وخمسة، وتسعة، وخمستاشر، وخمسة وأربعين.

يبقى إحنا قدرنا نحدّد عوامل العدد خمسة وأربعين. طب إيه العددين اللي مجموعهم أربعة وخمسين؟ هنلاقي إن حاصل جمع تسعة، وخمسة وأربعين، هو أربعة وخمسين. يعني تسعة زائد خمسة وأربعين، هتساوي أربعة وخمسين. وفي نفس الوقت التسعة، والخمسة وأربعين، من عوامل العدد خمسة وأربعين. يبقى نقدر نقول إن العددين هما: تسعة، وخمسة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.