فيديو: كتابة جمل عددية تصف العد التنازلي على خط الأعداد

أوجد الجملة العددية التي تتوافق مع خط الأعداد هذا. [أ] ٩ − ٦ = ٢ [ب] ٩ − ٥ = ٢ [ج] ٢ + ٧ = ٩ [د] ٩ − ٧ = ٢ [ﻫ] ٢ + ٦ = ٩

٠١:٥٢

‏نسخة الفيديو النصية

أوجد الجملة العددية التي تتوافق مع خط الأعداد هذا.

ده خط أعداد. وعاوزين نعرف إيه الجملة العددية اللي هو بيقولها، أو اللي هو بيعبّر عنها. فتعالوا نفهم إيه اللي حصل على خط الأعداد، ونكتب الناتج بتاعه، ونشوف هو أيّ اختيار من الاختيارات اللي قدامنا دي.

أول حاجة في خط الأعداد عامل لنا ملوّن التسعة باللون الأزرق، تمام. وملوّن الاتنين باللون الأزرق. يبقى الجملة العددية هيكون فيها تسعة واتنين. وفيه هنا ناقص سبعة.

طب هو عمل إيه؟ جاب التسعة، نقّص منها سبعة، فأصبح الناتج اتنين. تاني: جاب التسعة، نقّص منها سبعة، فأصبح الناتج اتنين. يعني إيه نقّص منها سبعة؟ يعني عدّ سبع خطوات لِوَرا. فهنا التسعة. ونعدّ بعدها: آدي خطوة، اتنين، تلاتة، أربعة، خمسة، ستة، سبعة. لحدّ ما وصل عند الـ إيه؟ الاتنين. فده معناه إن اللي على خط الأعداد ده، هي الجملة العددية: تسعة، نشيل منها سبعة، هيكون الناتج اتنين. هي دي الإجابة الصح.

تعالوا بقى نشوفها أيّ إجابة في الاختيارات. مش تسعة ناقص ستة يساوي اتنين. ولا تسعة ناقص خمسة يساوي اتنين. ولا اتنين زائد سبعة يساوي تسعة. لكن هي دي: تسعة ناقص سبعة تساوي اتنين. فبالتالي برضو مش هتكون هي اتنين زائد ستة تساوي تسعة. فعرفنا إيه هي الإجابة الصح؟ تسعة ناقص سبعة تساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.