تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول القاعدة بمعلومية مثلث قائم متساوي الساقين

نهال عصمت

أوجد طول القطعة المستقيمة ﺃﺟ، ق∠دﺏﺟ.

٠٣:٢٣

‏نسخة الفيديو النصية

أوجد طول القطعة المستقيمة أ ج، وقياس زاوية د ب ج.

مُعطى الشكل الموضَّح، والمطلوب إيجاد طول القطعة المستقيمة أ ج، وقياس زاوية د ب ج. هنلاحظ في الشكل اللي قدامنا إن أ ب بتساوي ب ج، وإن ب د عمودي على أ ج. يبقى عندنا أ ب بتساوي ب ج، والقطعة المستقيمة ب د عمودية على القطعة المستقيمة أ ج. وعندنا من نتائج نظريات المثلث المتساوي الساقين، إن لو عندنا مستقيم رسوم من رأس المثلث المتساوي الساقين اللي هو ب د، عموديًّا على القاعدة. نقدر نقول إن المستقيم ده بينصِّف القاعدة وزاوية الرأس. يبقى نقدر نقول إن القاعدة متنصفة يعني أ د بيساوي د ج. وكمان زاوية الرأس متنصفة؛ يعني الزاوية دي بتساوي الزاوية دي. يبقى نقدر نكتب: إذن أ د بتساوي د ج، وإن قياس زاوية أ ب د بتساوي قياس زاوية د ب ج.

عندنا أ د معطى في الرسم بتمنية وخمسين سنتيمتر. يبقى نقدر نقول إن أ د بتساوي د ج بتساوي تمنية وخمسين سنتيمتر. بس إحنا مطلوب مننا طول القطعة المستقيمة أ ج. أ ج عبارة عن إيه؟ عبارة عن أ د زائد د ج. يبقى أ ج بيساوي أ د زائد د ج. هنعوَّض عن أ د وَ د ج، يبقى هيساوي تمنية وخمسين زائد تمنية وخمسين. يبقى أ ج هيساوي مية وستاشر سنتيمتر. يبقى قدرنا نجيب أول حاجة طول القطعة المستقيمة أ ج وهو مية وستاشر سنتيمتر.

تاني مطلوب عايزين نجيب قياس زاوية د ب ج اللي هي الزاوية دي. هنلاحظ إن قياس زاوية ب اللي هي قياس زاوية أ ب ج تساوي تسعين درجة، عشان هي زاوية قائمة. وإحنا استنتجنا إن قياس زاوية أ ب د بتساوي قياس زاوية د ب ج. يبقى هنقول إن قياس زاوية أ ب د بتساوي قياس زاوية د ب ج. يبقى هيساوي تسعين درجة على الاتنين. يبقى كل زاوية منهم هتساوي خمسة وأربعين درجة. يبقى قدرنا نجيب قياس زاوية د ب ج المطلوبة مننا، وهي خمسة وأربعين درجة. وبكده قدرنا نجيب تاني مطلوب.