فيديو: حل المسائل الكلامية التي تتضمن قسمة الأعداد الصحيحة الناتج عنها صيغة كسرية

إذا كانت ماريان ٥ سنوات، وعمر أمها ٣٠ سنة، فما الكسر الذي يُمثِّل عمْر ماريان بالنسبة لعمر أمها؟ اكتب الاجابة في أبسط صورة.

٠١:١٧

‏نسخة الفيديو النصية

إذا كانت ماريان خمس سنوات، وعمر أمها تلاتين سنة، فما الكسر الذي يمثل عمر ماريان بالنسبة لعمر أمها؟ اكتب الإجابة في أبسط صورة.

هنكتب عمر ماريان اللي هو خمس سنوات وعمر أمها اللي هو تلاتين سنة، ومطلوب مننا نعبر بكسر عن عمرها بالنسبة لعمر أمها، يعني هنحط عُمْر ماريان فوق في البسط بتاع الكسر، وعُمْر أمها في المقام بتاع الكسر، لأن أي نسبة بين عددين بتبقى عبارة عن العدد الأول على العدد التاني، وإحنا بنجيب عمر ماريان بالنسبة لعمر أمها، يبقى هنخلي عمرها هي هو اللي في البسط وعمر أمها هو اللي في المقام، فيبقى الكسر اللي بيعبر عن النسبة دي هو خمسة على تلاتين، بس ده مش في أبسط صورة، عايزين نبسطه لأبسط صورة، البسط والمقام بينهم عامل مشترك اللي هو خمسة، فهنقسم البسط والمقام على خمسة، هنقسم البسط على خمسة فيبقى البسط الجديد واحد، أما المقام اللي هو تلاتين لما نقسمه على خمسة فالمقام الجديد هيبقى ستة. يبقى كده قدرنا نستنتج النسبة بين عمر ماريان إلى عمر أمها ككسر في أبسط صورة، اللي هو هيبقى واحد على ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.