نسخة الفيديو النصية
إذا كان أ ب مماسًّا للدايرة عند ب،
وَ م ب يساوي اتنين وتلاتين سنتيمتر، وَ أ ﺟ يساوي واحد وخمسين واتنين من عشرة سنتيمتر،
فما طول أ ب؟
بما أن أ ب مماس، وَ م ب نصف قطر؛
فإن نصف القطر بيبقى عمودي عَ المماس؛ إذن قياس الزاوية م ب أ هتساوي تسعين درجة؛ إذن
المثلث م ب أ قائم الزاوية في ب.
إذن نقدر نطبّق نظرية فيثاغورس، اللي
بتقول إن مربع طول وتر المثلث القائم الزاوية بيساوي مجموع مربعَي طولَي الضلعين
الآخرين؛ إذن أ م تربيع هيساوي م ب تربيع زائد أ ب تربيع. أ م عبارة عن أ ﺟ زائد ﺟ م؛ أ ﺟ طوله
واحد وخمسين واتنين من عشرة، وَ ﺟ م نصف قطر في الدايرة بيساوي م ب، اللي هو نصف قطر في
الدايرة، هيساوي اتنين وتلاتين؛ يبقى أ م هيساوي تلاتة وتمانين واتنين من عشرة
سنتيمتر.
إذن بالتعويض لإيجاد قيمة أ ب، يبقى
أ م تربيع، اللي هي تلاتة وتمانين واتنين من عشرة تربيع، هتساوي م ب نص قطر الدايرة،
اللي هو اتنين وتلاتين سنتيمتر تربيع، زائد أ ب تربيع؛ يبقى أ ب تربيع هتساوي تلاتة
وتمانين واتنين من عشرة تربيع ناقص اتنين وتلاتين تربيع؛ يبقى أ ب تربيع هتساوي خمسة
آلاف تمنمية تمنية وتسعين وأربعة وعشرين من مية.
إيجاد الجذر التربيعي للطرفين، يبقى
أ ب هتساوي الجذر التربيعي لخمسة آلاف تمنمية تمنية وتسعين وأربعة وعشرين من مية،
هيساوي ستة وسبعين وتمنية من عشرة سنتيمتر، وهي دي القيمة المطلوبة.
