فيديو: تبسيط المقادير الكسرية

بسِّط (ﺱ^٢ − ٤)/(ﺱ^٢ − ٤ﺱ + ٤) بالكامل.

٠٢:١٨

‏نسخة الفيديو النصية

بسّط: س تربيع ناقص أربعة، على س تربيع ناقص أربعة س زائد أربعة؛ بالكامل.

بالنظر للبسط فممكن نكتب س تربيع ناقص أربعة بالصورة: س تربيع ناقص اتنين تربيع. وبنسمّي الصورة دي فرق بين مربعين.

في حالة الفرق بين مربعين بيكون أ تربيع ناقص ب تربيع بيساوي أ ناقص ب، في أ زائد ب. يعني ممكن نقول إن س تربيع ناقص اتنين تربيع بيساوي س ناقص اتنين، في س زائد اتنين.

وبالنسبة للمقام فهنحلّل س تربيع ناقص أربعة س زائد أربعة. فهندوّر على عددين حاصل ضربهم بيساوي أربعة، ومجموعهم بيساوي سالب أربعة. وبما إن حاصل ضربهم موجب، ومجموعهم سالب؛ فده معناه إن العددين سالبين.

فممكن نقول إن أربعة بتساوي سالب واحد في سالب أربعة، أو بتساوي سالب اتنين في سالب اتنين. نجمع العددين: سالب واحد، وسالب أربعة؛ فمجموعهم هيساوي سالب خمسة. بعدين نجمع العددين: سالب اتنين، وسالب اتنين؛ فمجموعهم هيساوي سالب أربعة. يبقى العددين هم: سالب اتنين، وسالب اتنين.

فهنحلّل المقدار س تربيع ناقص أربعة س زائد أربعة بالصورة: س ناقص اتنين، في س ناقص اتنين.

يبقى المقدار س تربيع ناقص أربعة، على س تربيع ناقص أربعة س زائد أربعة. هيساوي س ناقص اتنين، في س زائد اتنين؛ على س ناقص اتنين، في س ناقص اتنين. وباستخدام التبسيط المقدار هيساوي س زائد اتنين، على س ناقص اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.