فيديو: التأكد من استدلال معطًى حول بيانات في مخطط الصندوق وطرفيه‎

حدِّد هل العبارة التالية صواب أم خطأ: البيانات الموضَّحة في الفترة التي بين الرُّبيع الأدنى والوسيط أكثر انتشارًا من البيانات التي في الفترة بين الوسيط والرُّبيع الأعلى.

٠٢:٢١

‏نسخة الفيديو النصية

حدّد هل العبارة التالية صواب أم خطأ: البيانات الموضَّحة في الفترة التي بين الرُّبيع الأدنى والوسيط، أكثر انتشارًا من البيانات التي في الفترة بين الوسيط والرُّبيع الأعلى.

قبل ما نبدأ نحلّ السؤال، لازم نفتكر إن مخطّط الصندوق وطرفَيه، بيُستخدم عشان يوضّح انتشار مجموعة مِ البيانات. عشان نتعرّف أكتر على مخطّط الصندوق وطرفَيه، بنلاقي إن الصندوق بيكون مرسوم حول الرُّبيعين؛ الرُّبيع الأعلى، والرُّبيع الأدنى. وبنلاقي إن الوسيط بيكون داخل الصندوق. وبنلاقي إن طرفَي الصندوق بيكون عبارة عن القيمة العظمى، والقيمة الصغرى للبيانات. آخر حاجة بنلاقي إن النجمة بتعبّر عن القيم المتطرفة. ودي مش بيتمّ توصيلها بطرفَي الصندوق.

بعد ما فهمنا مخطّط الصندوق وطرفَيه. مطلوب تحديد هل البيانات الموضَّحة في الفترة بين الرُّبيع الأدنى والوسيط؛ البيانات اللي في الفترة دي. أكثر انتشارًا أم لا من البيانات التي في الفترة بين الوسيط والرُّبيع الأعلى. من خلال المخطّط، لو شُفنا كده الصندوق، بنلاقي إن طول الجزء اللي بين الوسيط وبين الرُّبيع الأعلى، هو نفسه طول الجزء بين الوسيط والرُّبيع الأدنى. لأن زيّ ما إحنا شايفين كده الوسيط عند اتنين وخمسين، والرُّبيع الأعلى عند أربعة وخمسين. وبنلاقي إن الرُّبيع الأدنى عند خمسين.

يبقى فعلًا طول جزأَي الصندوق دول متساويين. وبالتالي يبقى البيانات الموضَّحة بين الرُّبيع الأدنى والوسيط، ليست أكثر انتشارًا من البيانات التي في الفترة بين الوسيط والرُّبيع الأعلى. وده لأن الجزء الأطول بيعبّر عن إن البيانات الموجودة فيه بتكون أكثر انتشارًا. ولكن زيّ ما إحنا شايفين، الجزئين متساويين. يبقى بنكتب كده الإجابة خطأ. يبقى من خلال فهمنا لمخطّط الصندوق وطرفَيه، قدِرنا نجاوب على السؤال ونعرف إن الإجابة خطأ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.