فيديو: امتحان الإستاتيكا الدور الثاني للعام السابق • ٢٠١٨/٢٠١٧ • السؤال العاشر

امتحان الإستاتيكا الدور الثاني للعام السابق • ٢٠١٨/٢٠١٧ • السؤال العاشر

٠٢:٣٣

‏نسخة الفيديو النصية

في الشكل الموضَّح، إذا كانت القوة ق واحد بتساوي سبعة نيوتن. والقوتان متجه القوة ق واحد ومتجه القوة ق اتنين، تكوِّنان ازدواجًا عزمه ميتين وعشرة نيوتن سنتيمتر. فأوجد م بالسنتيمتر.

معطى إن متجه القوة ق واحد ومتجه القوة ق اتنين تكوِّنان ازدواجًا عزمه ميتين وعشرة نيوتن سنتيمتر. وعزم الازدواج بيساوي حاصل ضرب معيار إحدى القوتين في البُعد بينهما. يعني لو افترضنا إن عندنا ازدواج، اللي بنرمز له بالرمز المتجه ج، فمعيار المتجه ج هيكون بيساوي ق مضروبة في ل. حيث إن ق هي معيار إحدى القوتين. وَ ل هي المسافة العمودية بين القوتين، واللي بتسمى ذراع الازدواج.

معطى عندنا عزم الازدواج، ومعطى عندنا مقدار إحدى القوتين. يعني لو عايزين نوجد ذراع الازدواج، فهيكون عندنا ميتين وعشرة هتساوي سبعة مضروبة في ل. هنقسم الطرفين على سبعة. فهيكون عندنا ل بتساوي ميتين وعشرة على سبعة. يعني ل هتساوي تلاتين سنتيمتر.

وبما إن ذراع الازدواج يجب أن تكون هي المسافة العمودية بين القوتين، يعني على الرسم هتكون هي المسافة دي. وبما إننا محتاجين نوجد م بالسنتيمتر، فهنلاحظ إن بالنسبة للمثلث، هيكون عندنا زاوية ستين درجة. والضلع المقابل للزاوية ستين درجة هيكون طوله ل. والوتر هيكون م. وبما إننا محتاجين نوجد طول الوتر … فبما إن جا 𝜃 بتساوي طول الضلع المقابل على طول الوتر. فهيكون عندنا جا ستين درجة هتساوي الضلع المقابل للزاوية اللي هو ل، مقسوم على الوتر اللي هو م.

هنضرب الطرفين في م. فهيكون عندنا م في جا ستين درجة هتساوي ل. هنقسم الطرفين على جا ستين درجة. فَـ م عندنا هتكون بتساوي ل مقسومة على جا ستين درجة. قدرنا نوجد إن ل هتساوي تلاتين سنتيمتر. فهنعوّض على ل بتلاتين. وَ جا ستين درجة هتساوي الجذر التربيعي لتلاتة على اتنين. يعني م هتساوي عشرين في الجذر التربيعي لتلاتة سنتيمتر. يبقى كده قدرنا نوجد م. وكانت بتساوي عشرين في الجذر التربيعي لتلاتة سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.