فيديو: تطبيق ترتيب إجراء العمليات في المسائل الرياضية التي تتضمَّن أعدادًا عشرية

احسب (٨٤٫٨٢٣ × ١٠٠) − (٣٣٫٧٧٦ × ١٠٠).

٠٣:٠١

‏نسخة الفيديو النصية

احسب: أربعة وتمانين وتمنمية تلاتة وعشرين من ألف في مية، ناقص تلاتة وتلاتين وسبعمية ستة وسبعين من ألف في مية.

دلوقتي عشان نقدر نوجد أو نحسب ناتج العمليات الحسابية اللي عندنا دي، محتاجين نفتكر الأول أولويات تنفيذ العمليات الحسابية. لو عندنا في العمليات الحسابية اللي قدامنا مجموعة من العمليات المختلفة، بنبدأ أول حاجة بفكّ الأقواس. بعد كده بننفّذ عمليات الضرب أو القسمة، حسب ترتيبهم من اليمين إلى اليسار. بعد كده بننفّذ عمليات الجمع أو الطرح، برضو حسب ما بنقابلهم من اليمين إلى اليسار.

يبقى هنبدأ أول حاجة هنا بحساب ما بداخل الأقواس. عايزين نوجد حاصل ضرب أربعة وتمانين ألف تمنمية تلاتة وعشرين في مية. دلوقتي المية دي فيها صفرين، يبقى هنحرّك العلامة العشرية جهة اليمين مكانين؛ واحد، اتنين. يبقى كده أوجدنا حاصل الضرب اللي موجود بداخل القوس الأول. وهنسيب علامة الطرح زيّ ما هي؛ عشان ننفّذ الأول ما بداخل القوس التاني.

عايزين نوجد حاصل ضرب تلاتة وتلاتين وسبعمية ستة وسبعين من ألف في مية. المية فيها صفرين، يبقى هنحرّك العلامة العشرية حركتين جهة اليمين بالشكل ده. ويبقى حاصل الضرب اللي موجود بداخل القوس التاني هو تلات آلاف تلتمية سبعة وسبعين وستة من عشرة.

يبقى دلوقتي مش باقي لنا غير إن إحنا ننفّذ عملية الطرح. هنجري عملية الطرح اللي عندنا دي رأسيًّا. هنحطّ العددين تحت بعض. ناخد بالنا إن إحنا نحطّ العلامات العشرية تحت بعض مباشرةً. عشان يبقى كل رقم من الأرقام اللي بيتكوّن منها العددين اللي عندنا موجود في الخانة المكانية الصحيحة.

نبدأ الطرح دايمًا من اليمين؛ تلاتة ناقص ستة، مش هينفع نطرح الستة من التلاتة؛ عشان الستة أكبر. فهنروح الخانة المكانية اللي قبلها، اللي هي خانة الآحاد. هنلاقي فيها الرقم اتنين، هناخد منه واحد، فيصبح فيها الرقم واحد. أمَّا التلاتة اللي في خانة الأجزاء من عشرة، فهتصبح تلتاشر.

دلوقتي هنطرح تلتاشر ناقص ستة هتساوي سبعة. وبعدين ننزّل العلامة العشرية زيّ ما هي في نفس المكان. دلوقتي عايزين نطرح واحد ناقص سبعة. مش هينفع نطرح السبعة من الواحد؛ عشان السبعة أكبر، فهنتحرَّك للخانة المكانية اللي قبل كده، اللي فيها الرقم تمنية. هناخد منه واحد، فهيصبح فيها الرقم سبعة، والواحد ده هيصبح حداشر. حداشر ناقص سبعة هيساوي أربعة. دلوقتي هنطرح سبعة ناقص سبعة هيساوي صفر. وبعدين أربعة ناقص تلاتة يساوي واحد. وبعدين تمنية ناقص تلاتة هيساوي خمسة.

يبقى كده قدرنا نحسب ناتج العمليات الحسابية اللي عندنا. اللي هيطلع بيساوي خمسة آلاف مية وأربعة وسبعة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.