فيديو: تحديد الطول المُناسِب لجسم مُعطًى

أيُّ القياسات التالية أقرب إلى طول سيارة؟ [أ] ١ م [ب] ١٠٠ م [ج] ٣ م [د] ٢٠٠ م

٠٢:١٩

‏نسخة الفيديو النصية

أيّ القياسات التالية أقرب إلى طول سيارة؟ واحد متر، مية متر، تلاتة متر، ميتين متر.

عاوزين نعرف أيّ قياس للأربع قياسيات اللي قلناهم دول، هو أقرب لطول سيارة. يعني لو إحنا عندنا سيارة زيّ دي. من أول هنا كده لحدّ هنا، الجزء ده هو طول السيارة. عاوزين نعرف بقى طولها ده؛ واحد متر، ولّا مية متر، ولّا تلاتة متر، ولّا ميتين متر.

لو جينا نبصّ على أول اختيار، اللي هو الواحد متر. هنقول إن هو ممكن يكون طول سيارة. بس لسه مش عارفين، هو فعلًا طولها ولّا لأ. فنشوف الاختيار اللي بعده، ونبقى نرجع له. مية متر. مية متر ده طول كبير جدًّا بالنسبة لسيارة. ده ممكن يكون طول ملعب كرة قدم، مش طول عربية. فهنستبعد الاختيار ده.

نشوف الاختيار اللي بعده. تلاتة متر. تلاتة متر ممكن برضو يكون قريب من طول عربية. بس لسه ما نعرفش. هنشوف الاختيار اللي بعده. ميتين متر. ميتين متر أكبر من مية متر؛ ضعفه. يعني أكبر من طول ملعب كورة كمان. فبرضو هنستبعد الميتين متر؛ لأنه طول كبير جدًّا.

يبقى إحنا كده ما اتبقّاش معانا غير الواحد متر، والتلاتة متر. لو جينا نبصّ على العربية اللي عندنا، هنقول إن مثلًا من أول هنا لحدّ هنا، ده كده حوالي واحد متر. يبقى طول العربية كلها، حوالي تلاتة متر. لأن واحد متر برضو صغير على طول عربية. فبالتالي كده هنستبعد الواحد متر. وتبقى الإجابة الصح هي تلاتة متر. هي دي الإجابة الصح. وأقرب طول سيارة، أو أقرب لطول السيارة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.