فيديو: إيجاد البيانات المجهولة على قطاع دائري بتحويل النسب المئوية إلى كسور

يوضِّح القطاع الدائري نتائج استطلاع أُجري لمعرفة الفاكهة المفضَّلة للطلاب. ما الكسر الذي يُمثِّل الطلاب الذين يُفضِّلون البرتقال والخوخ؟

٠١:٢٧

‏نسخة الفيديو النصية

يوضح القطاع الدائري نتائج استطلاع أُجري لمعرفة الفاكهة المفضّلة للطلاب. ما الكسر الذي يمثّل الطلاب الذين يفضّلون البرتقال والخوخ؟

عشان نعرف الكسر اللي بيمثّل الطلاب اللي بيفضّلوا البرتقال والخوخ، محتاجين أول حاجة نحسب نسبة الطلاب اللي بيفضّلوا الخوخ، والنسبة دي هتساوي: مية في المية اللي هي نسبة الطلاب الكلية، ناقص أربعين في المية اللي هي نسبة الطلاب اللي بيفضّلوا البرتقال، ناقص عشرين في المية اللي هي نسبة الطلاب اللي بيفضّلوا التفاح، ناقص خمستاشر في المية اللي هي نسبة الطلاب اللي بيفضّلوا الموز. وبعد إجراء الحسابات، ده هيساوي خمسة وعشرين في المية.

يبقى نسبة الطلاب اللي بيفضّلوا البرتقال والخوخ هتساوي: أربعين في المية اللي هي نسبة الطلاب اللي بيفضّلوا البرتقال، زائد خمسة وعشرين في المية اللي هي نسبة الطلاب اللي بيفضّلوا الخوخ؛ وأربعين في المية زائد خمسة وعشرين في المية هيساوي خمسة وستين في المية؛ يبقى الكسر اللي بيمثل الطلاب اللي بيفضّلوا البرتقال والخوخ هيساوي … خمسة وستين في المية هتساوي خمسة وستين على مية. وبقسمة البسط والمقام على خمسة، هيبقى الكسر الممثِّل للطلاب اللي بيفضّلوا البرتقال والخوخ في أبسط صورة هو تلتاشر على عشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.