فيديو: تفسير وحساب عملية القسمة بالتجزئة لعدد صحيح على كسر

أخذت مريم أربعة أخماس الأبقار لديها، أو ١٦ بقرة، إلى الحقل المجاور. ما إجمالي عدد الأبقار لدى مريم؟

٠١:٤٣

‏نسخة الفيديو النصية

أخذت مريم أربعة أخماس الأبقار لديها، أو ستاشر بقرة إلى الحقل المجاور. ما إجمالي عدد الأبقار لدى مريم؟

يبقى دلوقتي عرفنا إن مريم أخدت ستاشر بقرة إلى الحقل. ودول بيمثّلوا أربعة على خمسة من عدد الأبقار الكلّيّة اللي عندها. يعني لو محتاجين نوجد عدد الأبقار الكلّية اللي عندها، هنفترض إن هي عددها س. يبقى نقدر نقول: إن الستاشر بقرة، اللي ذهبت بيهم إلى الحقل، بيمثّلوا أربعة على خمسة من عدد الأبقار الكلّيّة اللي عندها. يعني أربعة على خمسة في س.

وعشان نقدر نوجد قيمة المتغيّر س اللي بيمثّل عدد الأبقار الكلية، هنقسم طرفَي المعادلة اللي عندنا على، أربعة على خمسة. فكده الطرف الأيمن هيبقى عبارة عن ستاشر على، أربعة على خمسة. وبنستبدل عملية القسمة على كسر بإننا بنحوّلها للضرب في المعكوس الضربي للكسر. يعني بنقلب الكسر؛ بنخلّي المقام بتاعه في البسط، والبسط بتاعه هو المقام. أمَّا الطرف الأيسر، فبنقسم أربعة على خمسة على، أربعة على خمسة. ودول خارج قسمتهم هيبقى واحد في س. فكده الطرف الأيسر هيتبقّى فيه المتغيّر س فقط.

فنقدر نقول: إن المتغيّر س هيبقى بيساوي حاصل ضرب ستاشر في، خمسة على أربعة. بقسمة البسط والمقام على أربعة، فهنقول: إن ستاشر على أربعة هتساوي أربعة. وأربعة على أربعة هتساوي واحد. فكده هيبقى س بيساوي حاصل ضرب أربعة في خمسة. يعني س هيبقى بيساوي عشرين.

وبكده يبقى قدرنا نوصل لعدد الأبقار الكلّية اللي لدى مريم، وهي عددها عشرين بقرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.