فيديو: حل المسائل الكلامية التي تتضمن جمع الأعداد حتى ٩٩

مزارع لديه ٤٣ بطة و٢٤ دجاجة. أوجد إجمالي عدد الطيور لديه.

٠١:١٠

‏نسخة الفيديو النصية

مزارع لديه تلاتة وأربعين بطّة، وأربعة وعشرين دجاجة. أوجد إجمالي عدد الطيور لديه.

فيه مزارع عنده تلاتة وأربعين بطّة، وأربعة وعشرين دجاجة. يبقى كل الطيور اللي عنده كام؟ علشان نعرف هنجمع. هنجمع تلاتة وأربعين زائد أربعة وعشرين.

فأول حاجة هنعملها هي جمع الآحاد. يعني هنجمع تلاتة زائد أربعة. هنحطّ أربعة في مخّنا، وتلات شرطات قدامنا. ونعدّ عليهم؛ بعد الأربعة: خمسة، ستة، سبعة. يبقى الناتج سبعة. بعدين نجمع العشرات؛ أربعة زائد اتنين. هنحطّ الأربعة في مخّنا، وشرطتين قدامنا. ونعدّ بعد الأربعة: خمسة، ستة. يبقى الناتج ستة. وممكن بدل ما نعمل شرطات نعدّ على صوابع إيدينا.

وكده إحنا جمعنا تلاتة وأربعين زائد أربعة وعشرين. وطلع ناتج الجمع هو سبعة وستين. وده معناه إن عدد الطيور اللي عند المزارع كلّها هي سبعة وستين طائرًا. وهي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.