تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طاقة وضع الجاذبية لجسم بمعلومية ارتفاعه عن الأرض

أحمد لطفي

يرفع ونش جسمًا كتلته ١٣٢ كجم رأسيًّا من سطح الأرض لارتفاع ٢٠ م. أوجد الزيادة في طاقة وضع الجسم الناتجة عن الجاذبية الأرضية؛ حيث عجلة الجاذبية الأرضية د = ٩٫٨ م/ث^٢.

٠١:٤٧

‏نسخة الفيديو النصية

يرفع ونش جسمًا كتلته مية اتنين وتلاتين كيلوجرام رأسيًّا من سطح الأرض لارتفاع عشرين متر. اوجد الزيادة في طاقة وضع الجسم الناتجة عن الجاذبية الأرضية؛ حيث عجلة الجاذبية الأرضية د بتساوي تسعة وتمنية من عشرة متر عَ الثانية تربيع.

في البداية، طاقة وضع الجسم بتساوي الكتلة، اللي بنرمز لها بالرمز ك. مضروبة في عجلة الجاذبية، اللي بنرمز لها بالرمز د. مضروبة في الارتفاع، اللي بنرمز له بالرمز ل. وبالتالي لو عايزين نوجد الزيادة في طاقة الوضع، فهتساوي ك د في ل اتنين، ناقص ك في د في ل واحد. يعني ممكن نكتبها في صورة … هناخد ك في د عامل مشترك، فهيكون عندنا ك في د مضروبة في، ل اتنين ناقص ل واحد.

يعني الزيادة في طاقة الوضع هتساوي … هنعوّض عن الكتلة بمية اتنين وتلاتين كيلوجرام. وهنعوّض عن عجلة الجاذبية الأرضية بتسعة وتمنية من عشرة، مضروبة في … ل اتنين هو الارتفاع اللي وصل له الجسم. وبما إن الجسم وصل لارتفاع عشرين متر من سطح الأرض، فهنقول: إن ل اتنين بتساوي عشرين. ناقص … ل واحد هو الارتفاع الأصلي للجسم. وبما إن الونش رفع الجسم من سطح الأرض، يعني الارتفاع الأصلي للجسم كان بصفر. وبالتالي هيكون عندنا مية اتنين وتلاتين في تسعة وتمنية من عشرة في، عشرين ناقص صفر. يعني الزيادة في طاقة الوضع هتساوي خمسة وعشرين ألف تمنمية اتنين وسبعين جول.

ويبقى كده قدرنا نوجد الزيادة في طاقة الوضع. وكانت بتساوي خمسة وعشرين ألف تمنمية اتنين وسبعين جول.