فيديو: إيجاد قوى غير معلومة تؤثِّر على مربع لتنتج ازدواح مكافئ

ﺃﺏﺟﺩ مربع تؤثّر عليه خمس قوى مقيسة بالنيوتن، كما هو موضّح في الشكل التالي. إذا كان نظام القوى يكافئ ازدواجًا، فأوجد ق_١، ق_٢.

٠٣:١٧

‏نسخة الفيديو النصية

أ ب ج د مربع تؤثّر عليه خمس قوى مقيسة بالنيوتن، كما هو موضّح في الشكل التالي. إذا كان نظام القوى يكافئ ازدواجًا، فاوجد ق واحد، وَ ق اتنين.

الازدواج هو نظام من القوى يتكوّن من قوتين متساويتين في المعيار، ومتضادتين في الاتجاه، ولا يجمعهما خط عمل واحد. القوى اللي قدّامنا دي بتأثّر في مربع أ ب ج د. عليه خمس قوى. القوة ق واحد، والقوة تلتاشر دول متوازيتين، ولهم اتجاهين مختلفين. القوة عشرين، والقوة ق اتنين دول متوازيين، ولهم اتجاهين مختلفين. القوى دي بتمثّل ازدواج، لو ما كانش موجود القوة تسعة في الجذر التربيعي للاتنين. لأن هم قوى متوازية، متضادة في الاتجاه، متساوية في المعيار، وما بيجمعهمش خط عمل واحد. فعلشان نعرف ق واحد، وَ ق اتنين، هنحلّل القوة تسعة جذر اتنين في الاتجاهين؛ هنا، وهنا.

الزاوية دي خمسة وأربعين درجة؛ لأن ده مربع. وَ ج أ ده قطر في المربع، يبقى بيقسم الزاوية القائمة لزاويتين متساويتين في القياس؛ خمسة وأربعين درجة، وخمسة وأربعين درجة. يبقى التسعة جذر اتنين لمّا هنحلّلها، هتبقى تسعة جذر اتنين، في جتا خمسة وأربعين درجة. وهنا القيمة التانية هتبقى تسعة جذر اتنين، في جا خمسة وأربعين درجة. الازدواج معناه إن القوة دي زائد القوة دي لازم يساوي ق واحد. والقوة عشرين هتساوي ق اتنين زائد، تسعة جذر اتنين، في الـ جا خمسة وأربعين.

يبقى القوة الأفقية هتبقى ق واحد هتساوي تلتاشر زائد، تسعة جذر اتنين، في جتا خمسة وأربعين درجة اللي هي قيمتها واحد على جذر اتنين. يبقى قاف واحد هتساوي تلتاشر زائد … تسعة جذر اتنين في، واحد على جذر اتنين، يبقى هتساوي تسعة. يبقى ق واحد هتساوي اتنين وعشرين نيوتن.

علشان نوجد ق اتنين، يبقى دي القوة الرأسية. ق اتنين زائد، تسعة جذر اتنين، جا خمسة وأربعين درجة، هتساوي عشرين. يبقى ق اتنين هتساوي عشرين ناقص … جا خمسة وأربعين بواحد على جذر اتنين. يبقى عشرين ناقص تسعة. الجذر اتنين هنختصرها مع الجذر اتنين، هتبقى باقي تسعة بس. يبقى ق اتنين هتساوي عشرين ناقص تسعة، يبقى قيمتها حداشر نيوتن. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.