فيديو: طرح الكسور ذات المقامات المختلفة مع تبسيط الإجابة لأبسط صورة

باستخدام ترتيب العمليات، احسب ٨/٧ − ٢/١ − ٣/١ واختصر الإجابة لأبسط صورة.

٠٢:١١

‏نسخة الفيديو النصية

باستخدام ترتيب العمليات، احسب: سبعة على تمنية، ناقص واحد على اثنان، ناقص واحد على تلاتة، وبسط الإجابة لأبسط صورة.

بالنظر للمقدار هنلاقيه بيتكوّن من تلات كسور بتربط ما بينهم عمليتين طرح. وحسب ترتيب العمليات، هنجري عملية الطرح بالترتيب من اليمين إلى اليسار، فأول حاجة هنحسب سبعة على تمنية، ناقص واحد على اتنين؛ بعدين نطرح من الفرق واحد على تلاتة. ‏فهنحسب سبعة على تمنية، ناقص واحد على اتنين.

فأول حاجة عشان نعمل عملية الطرح، محتاجين نوحّد المقامات، فهنضرب البسط والمقام في الكسر التاني في أربعة، فده هيساوي سبعة على تمنية ناقص … واحد في أربعة يساوي أربعة، على … اتنين في أربعة هيساوي تمنية؛ بالشكل ده مقام الكسرين بقى تمنية، ده هيساوي سبعة ناقص أربعة الكل على تمنية، اللي هيساوي تلاتة على تمنية.

بعد كده نحسب تلاتة على تمنية — اللي هو الناتج بتاع سبعة على تمنية ناقص واحد على اتنين — ناقص واحد على تلاتة. فهنضرب البسط والمقام في الكسر الأول في تلاتة، وهنضرب البسط والمقام في الكسر التاني في تمنية، فده هيساوي … تلاتة في تلاتة هيساوي تسعة، على … تمنية في تلاتة هيساوي أربعة وعشرين، ناقص … واحد في تمنية هيساوي تمنية، على … تلاتة في تمنية هيساوي أربعة وعشرين.

وهنلاحظ إن بالشكل ده مقامات الكسرين بقت متساوية. ده يساوي تسعة ناقص تمنية الكل على أربعة وعشرين، اللي بيساوي واحد على أربعة وعشرين. يبقى سبعة على تمنية، ناقص واحد على اتنين، ناقص واحد على تلاتة؛ هيساوي واحد على أربعة وعشرين، ودي الإجابة في أبسط صورة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.