فيديو: فك المقادير الجبرية باستخدام المتطابقات الجبرية

فُكَّ المقدار (−ﺱ + ٢ﺹ)^٢.

٠٢:٠٣

‏نسخة الفيديو النصية

فُك المقدار: سالب س زائد اتنين ص الكل تربيع.

يعني معطى عندنا المقدار ده، وعايزين نفكّه. ففي الأول هنلاحظ إن عندنا المقدار ده، مرفوع للأس اتنين. فعلشان نفكّ المقدار ده، يبقى أول حاجة هنوجد مربع الحد الأول، واللي هيبقى بيساوي سالب س الكل أس اتنين. بعد كده بنضرب قيمة الأس، اللي هو اتنين، في حاصل ضرب الحد الأول والتاني. يعني هنضرب اتنين في سالب س في اتنين ص. وهيبقى هو ده الحد الأوسط للمقدار. فهيبقى عبارة عن اتنين في سالب س في اتنين ص.

بعد كده هنوجد مربع الحد التاني في المقدار. يعني عايزين نوجد مربع اتنين ص. يعني هنوجد اتنين ص أُس اتنين. وهيبقى هو ده الحد التالت عندنا في المقدار. فهنبدأ نوجد قيمة سالب س أُس اتنين، واللي بتساوي س تربيع. لأن سالب س الكل أس اتنين، معناها سالب س في سالب س. وسالب في سالب بموجب. وَ س في س بتساوي س تربيع. زائد …

وهنحسب قيمة الحد الأوسط، اللي هو ده. يعني عايزين نضرب اتنين في سالب س في اتنين ص. فعندنا هنا اتنين في اتنين بأربعة. وعندنا هنا سالب س في ص بتساوي سالب س ص. فهيبقى الحد الأوسط هو سالب أربعة س ص. زائد …

وهنبدأ نوجد قيمة الحد التالت، اللي هو اتنين ص أُس اتنين. فلمّا نحسب اتنين ص أُس اتنين، هتبقى بتساوي أربعة ص تربيع. بعد كده هنفكّ الأقواس اللي هنا. فهيبقى المقدار بيساوي س تربيع، ناقص أربعة س ص، زائد أربعة ص تربيع. ونبقى إحنا كده فكّينا المقدار اللي معطى عندنا في السؤال، وهتبقى هي دي إجابته.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.