فيديو: استخدام جدول الضرب لإيجاد عدد بمعلومية مدى حاصل ضربه في نفسه

أوجد العدد الصحيح الذي إذا ضُرِبَ في نفسه، يكون الناتج عددًا يقع بين ٦٢، ٦٦.

٠٢:٠٥

‏نسخة الفيديو النصية

أوجد العدد الصحيح الذي إذا ضُرِب في نفسه يكون الناتج عددًا يقع بين اتنين وستين، وستة وستين.

عاوزين نعرف إيه هو العدد اللي لو ضربناه في نفسه، ناتج الضرب هيكون عدد بيقع ما بين اتنين وستين، وستة وستين. طيب هي إيه الأعداد اللي بتقع بين اتنين وستين وستة وستين؟ تلاتة وستين، وأربعة وستين، وخمسة وستين.

طيب خلّونا نفكّر إيه العدد اللي هنضربه في نفسه، والناتج هيكون عدد من التلات أعداد دول؛ تلاتة وستين، أو أربعة وستين، أو خمسة وستين. هل ممكن العدد ده يكون الواحد؟ الواحد في واحد بواحد. أكيد لأ. إمم، طيب اتنين في اتنين؟ اتنين في اتنين بتساوي أربعة. برضو مش أيّ عدد من اللي قدامنا.

طيب نجرّب تلاتة في تلاتة. تلاتة في تلاتة بتساوي تسعة. طيب أربعة في أربعة. أربعة في أربعة بستاشر. طيب خمسة في خمسة. الخمسة في خمسة بخمسة وعشرين. إحنا لسّه بندوّر على تلاتة وستين، أو أربعة وستين، أو خمسة وستين. فنجرّب بعد الخمسة الستة. الستة في ستة بتساوي ستة وتلاتين. برضو مش موجودة. طيب نجرّب السبعة. السبعة في سبعة بتسعة وأربعين. برضو مش موجود. طيب التمنية في تمنية بتساوي كام؟ التمنية في تمنية بتساوي أربعة وستين. والأربعة وستين موجودة هنا ضمن الأعداد اللي قلناها، اللي بتقع ما بين اتنين وستين وستة وستين.

فده معناه إن العدد الصحيح اللي بنضربه في نفسه، وناتج ضربه بيقع بين اتنين وستين وستة وستين، اللي هو الناتج أربعة وستين، هو العدد تمنية. وتبقى هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.