تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد نظام من المتباينات يصف حالة معطاة

نهال عصمت

حدّد أحد المدرسين لطلابه ١٠٠ دقيقة لحل اختبار. كان على الطلاب أن يحلّوا ٤ أسئلة على الأقل من الجزء أ، و٦ أسئلة على الأقل من الجزء ب، ويجب عليهم أن يجيبوا على الأقل عن ١١ سؤالًا إجمالًا. إذا استغرقت إحدى الطالبات في الإجابة عن السؤال الواحد من الجزء أ مدة ٣ دقائق، وفي السؤال الواحد من الجزء ب مدة ٦ دقائق، فأوجد نظام المتباينات الذي يساعد على معرفة عدد الأسئلة التي حاولت أن تحلّها في كل جزء. استخدم س لتمثيل عدد الأسئلة المجاب عنها من الجزء أ، ص لتمثيل عدد الأسئلة المجاب عنها من الجزء ب.

٠٣:٤٦

‏نسخة الفيديو النصية

حدّد أحد المدرسين لطلابه مية دقيقة لحل اختبار. كان على الطلاب أن يحلّوا أربع أسئلة على الأقل من الجزء أ. وست أسئلة على الأقل من الجزء ب. ويجب عليهم أن يجيبوا على الأقل عن حداشر سؤالًا إجمالًا. إذا استغرقت إحدى الطالبات في الإجابة عن السؤال الواحد من الجزء أ مدة تلات دقائق. وفي السؤال الواحد من الجزء ب مدة ست دقائق. فأوجد نظام المتباينات الذي يساعد على معرفة عدد الأسئلة التي حاولت أن تحلّها في كل جزء. استخدم س لتمثيل عدد الأسئلة المجاب عنها من الجزء أ. ص لتمثيل عدد الأسئلة المجاب عنها من الجزء ب.

مطلوب منّنا نوجد نظام المتباينات. ونستخدم س عشان نعبّر عن الأسئلة المجاب عنها من الجزء أ. ونستخدم ص عشان نعبّر عن الأسئلة المجاب عنها من الجزء ب.

أول حاجة هنبدأ نقسّم المسألة اللي موجودة عندنا. كان على الطلاب أن يحلّوا أربع أسئلة على الأقل من الجزء أ. الجزء أ هنعبّر عنه بـ س. يبقى عندنا الطلاب لازم يحلّوا على الأقل أربع أسئلة. يعني ما ينفعش يقِلّوا عن أربع أسئلة. يبقى لازم دايمًا س تبقى أكبر من أو بتساوي الأربعة. ما ينفعش تقِلّ عن أربعة، لكن ممكن إنها تساوي أربعة. يبقى ده أول جزء.

الجزء التاني لازم كمان يحلّوا ست أسئلة على الأقل من الجزء ب. الجزء ب ممكن نمثّل عنه بـ ص. يبقى لازم الطلاب يحلّوا ست أسئلة أو أكتر، لكن ما ينفعش يقِلّوا عن الستة. يبقى ص لازم تبقى أكبر من أو بتساوي الستة.

أمّا الجزء التالت، المفروض الطلاب يجيبوا على الأقل عن حداشر سؤالًا إجمالًا. يبقى مفروض مجموع الأسئلة اللي في الجزء الأول اللي هو الجزء أ اللي هي س. زائد الأسئلة اللي في الجزء ب اللي بنمثّلها بـ ص. يبقوا أكبر من أو بيساووا الحداشر سؤال. يبقى لازم يبقوا حداشر سؤال أو أكبر من حداشر سؤال، ما ينفعش يقِلّوا عن حداشر سؤال.

وفي الجزء الأخير من السؤال. عندنا استغرقت إحدى الطالبات في الإجابة عن السؤال الواحد من الجزء أ تلات دقايق. وفي الجزء ب ست دقايق. وعندنا مدة الاختبار أصلًا مية دقيقة. يبقى لازم التلات دقايق اللي بتحلّ فيهم السؤال الواحد من الجزء أ. والست دقايق اللي بتحلّ فيهم السؤال الواحد من الجزء ب. ما يزيدوش عن مية دقيقة.

يبقى هنضرب التلات دقايق في س، اللي بتمثّل عن الجزء أ، ونجمعها على الست دقايق. وهنضربها في ص اللي هي بتمثّل الجزء ب. لازم يبقوا أقل من أو بيساووا المية. ما ينفعش يزيدوا عن المية دقيقة اللي متحدّدة لحل الاختبار، لكن ممكن يساووا المية دقيقة.

يبقى الإجابة بتاعتنا هي: س أكبر من أو تساوي أربعة. وَ ص أكبر من أو تساوي ستة. وَ س زائد ص أكبر من أو تساوي حداشر. وتلاتة س زائد ستة ص أصغر من أو تساوي مية.