فيديو: امتحان الإستاتيكا الدور الثاني للعام السابق • ٢٠١٨/٢٠١٧ • السؤال الرابع عشر

امتحان الإستاتيكا الدور الثاني للعام السابق • ٢٠١٨/٢٠١٧ • السؤال الرابع عشر

٠٢:٥٠

‏نسخة الفيديو النصية

لدينا نظام مكوَّن من الكتل ك واحد بتساوي واحد كيلوجرام. ك اتنين بتساوي اتنين كيلوجرام. ك تلاتة بتساوي تلاتة كيلوجرام. عند النقاط واحد وصفر، صفر واتنين، وواحد واتنين؛ على الترتيب. ما مركز ثقل النظام؟

في البداية لو افترضنا إن إحداثيات مركز ثقل النظام هتكون س م وَ ص م. فعلشان نقدر نوجد س م، هتكون بتساوي ك واحد في س واحد، زائد ك اتنين في س اتنين، زائد ك تلاتة في س تلاتة. الكل مقسوم على ك واحد زائد ك اتنين زائد ك تلاتة. حيث إن س واحد هي الإحداثي السيني للنقطة اللي بتأثر عندها الكتلة ك واحد. وَ س اتنين هي الإحداثي السيني للنقطة اللي بتأثر عندها الكتلة ك اتنين. وَ س تلاتة هي الإحداثي السيني للنقطة اللي بتأثر عندها الكتلة ك تلاتة.

وبالنسبة لـ ص م فَـ ص م هتكون بتساوي ك واحد في ص واحد، زائد ك اتنين في ص اتنين، زائد ك تلاتة في ص تلاتة؛ الكل مقسوم على ك واحد، زائد ك اتنين، زائد ك تلاتة. حيث إن ص واحد هي الإحداثي الصادي للنقطة اللي بتأثر عندها الكتلة ك واحد. وَ ص اتنين هي الإحداثي الصادي للنقطة اللي بتأثر عندها الكتلة ك اتنين. وَ ص تلاتة هي الإحداثي الصادي للنقطة اللي بتأثر عندها الكتلة ك تلاتة.

معطى عندنا الكتلة ك واحد، والكتلة ك اتنين، والكتلة ك تلاتة. والنقطة اللي بتأثر عندها ك واحد، والنقطة الل بتأثر عندها ك اتنين، والنقطة اللي بتأثر عندها ك تلاتة. هنرتب المعطيات من خلال الجدول الآتي. أول صف هيكون عندنا كتلة ك واحد، اللي هي بتساوي واحد كيلوجرام. وكتلة ك اتنين اللي بتساوي اتنين كيلوجرام. وكتلة ك تلاتة اللي بتساوي تلاتة كيلوجرام. وفي الصف التاني والتالت هنضع الإحداثي السيني والصادي للنقاط اللي بتكون عندها الكتل.

بالنسبة للكتلة ك واحد فكانت عند النقطة واحد وصفر. وبالنسبة للكتلة ك اتنين فكانت عند النقطة صفر واتنين. وبالنسبة للكتلة ك تلاتة فكانت عند النقطة واحد واتنين. فلو عايزين نوجد الإحداثي السيني لمركز ثقل النظام اللي هي س م، فهتكون بتساوي واحد مضروبة في واحد. زائد اتنين مضروبة في صفر. زائد تلاتة مضروبة في واحد. الكل مقسوم على واحد زائد اتنين زائد تلاتة. يعني س م هتكون بتساوي اتنين على تلاتة. كده نكون قدرنا نوجد الإحداثي السيني لمركز ثقل النظام. بالنسبة للإحداثي الصادي لمركز ثقل النظام فهيكون بيساوي واحد مضروبة في صفر، زائد اتنين مضروبة في اتنين، زائد تلاتة مضروبة في اتنين، الكل مقسوم على واحد زائد اتنين زائد تلاتة. يبقى ص م هتساوي خمسة على تلاتة. وبكده نكون قدرنا نوجد الإحداثي الصادي لمركز الثُّقل. ويبقى مركز ثقل النظام هيكون اتنين على تلاتة وخمسة على تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.