فيديو: وصف سمات مجموعة من الأشكال الثنائية الأبعاد

جمَّعت مريم مجموعة الأشكال هذه. هذا الشكل البرتقالي لا ينتمي إلى هذه المجموعة. اختر قاعدة لتجميع هذه الأشكال في المجموعة. [أ] زاويتان قائمتان [ب] ٥ زوايا قائمة [ج] ٤ زوايا قائمة

٠١:٤٠

‏نسخة الفيديو النصية

جمّعت مريم مجموعة الأشكال هذه. هذا الشكل البرتقالي لا ينتمي إلى هذه المجموعة. اختر قاعدة لتجميع هذه الأشكال في المجموعة. الاختيار الأول: زاويتان قائمتان. الاختيار التاني: خمس زوايا قائمة. الاختيار التالت: أربع زوايا قائمة.

دلوقتي عايزين نشوف إيه اللي خلّى الشكل البرتقالي ده ما ينضمّش إلى المجموعة اللي بتكوّنها مريم. يا ترى هو مختلف عنهم في إيه؟ طب ما هو شكل رباعي زيّهم، كلهم أشكال رباعية مكوّنة من أربع أضلاع، إيه بقى اللي خلّى المجموعة اللي فوق مختلفة وما نقدرش نضمّ عليها الشكل البرتقالي ده؟

هنلاحظ إن المجموعة اللي فوق عبارة عن … هنلاحظ إن الأشكال اللي في المجموعة اللي فوق عبارة عن مستطيلات زي اللي بالأحمر واللي بالأخضر ده، ومربعات زي اللي باللون الأزرق دول. طيب يفرقوا إيه عن متوازي الأضلاع اللي بالبرتقالي اللي تحت؟ يفرقوا إن المستطيل والمربع حالات خاصة من حالات متوازي الأضلاع، لازم تبقى زواياها كلها قوائم؛ المستطيل زواياه الأربع قوائم، وبرضو المربع زواياه الأربع قوائم.

يبقى الأشكال اللي فوق دي بتفرق عن متوازي الأضلاع إن زواياها الأربعة عبارة عن زوايا قائمة؛ يعني قياس كلٍّ منها تسعين درجة. يبقى كده القاعدة اللي جمّعت عليها مريم مجموعة الأشكال دي، هي إن الأربع زوايا بتاعتها زوايا قائمة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.