فيديو: فهم القيمة المكانية عند جمع أعداد متعددة الأرقام

٧٩٢٩ + _ = ٧٩٦٩.

٠١:٥٥

‏نسخة الفيديو النصية

سبعة آلاف تسعمية تسعة وعشرين زائد، نقط، يساوي سبعة آلاف تسعمية تسعة وستين.

محتاجين هنا في السؤال نعرف كام لو جمعناهم على سبعة آلاف تسعمية تسعة وعشرين يدّي لنا سبعة آلاف تسعمية تسعة وستين. علشان نوجد قيمة المجهول مكان النقط، فهنحتاج نتخلَّص من أيّ حاجة جنبه في نفس الطرف. يعني هنحتاج نشيل العدد سبعة آلاف تسعمية تسعة وعشرين من الطرف اللي موجود فيه المجهول. يعني نقدر نتخلَّص من العدد ده لو خلّينا قيمته بصفر. ونقدر نخلّي قيمته بصفر لو طرحنا منه نفس العدد. يعني لو طرحنا منه سبعة آلاف تسعمية تسعة وعشرين. سبعة آلاف تسعمية تسعة وعشرين ناقص سبعة آلاف تسعمية تسعة وعشرين هتساوي صفر. وبكده قدرنا نخلّي المجهول في طرف لوحده.

وزيّ ما طرحنا من الطرف اليمين سبعة آلاف تسعمية تسعة وعشرين، فلازم نطرح من الطرف الشمال سبعة آلاف تسعمية تسعة وعشرين. علشان نطرح عددين من بعض، فأول خطوة هنعملها، إننا هنحطّ العددين دول فوق بعض حسب القيمة المكانية لكل رقم في الأعداد دي، بالشكل ده. وبعدين هنطرحهم من بعض. تسعة آحاد ناقص تسعة آحاد بصفر آحاد. وستة عشرات ناقص اتنين عشرات تساوي أربعة عشرات. وتسعة مئات ناقص تسعة مئات هتساوي صفر مئات. وسبعة آلاف ناقص سبعة آلاف هتدِّي لنا صفر آلاف. هنهمل الأصفار اللي موجودة على شمال العدد؛ لأنها مالهاش قيمة. وبكده هيكون ناتج الطرح أربعين.

دلوقتي قدرنا نعرف قيمة المجهول مكان النقط هيساوي أربعين. وبكده سبعة آلاف تسعمية تسعة وعشرين زائد أربعين هتساوي سبعة آلاف تسعمية تسعة وستين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.