فيديو: حل المسائل الكلامية التي تتضمَّن النسب

لإعداد ٣٢ كعكة يلزم توافر كوب واحد من السكر. استخدم جدول النسب لإيجاد عدد أكواب السكر اللازمة لإعداد ٩٦ كعكة.

٠١:٢٩

‏نسخة الفيديو النصية

لإعداد اتنين وتلاتين كعكة يلزم توافر كوب واحد من السكر، استخدم جدول النِّسَب لإيجاد عدد أكواب السكر اللازمة لإعداد ستة وتسعين كعكة.

هنبدأ ننشئ جدول النِّسَب لاستخدامه لإيجاد عدد أكواب السكر، أنشأنا جدول النِّسَب، زي ما إحنا شايفين كده بنلاقى إن أول صف عبارة عن عدد الأكواب، وتاني صف عبارة عن عدد الكعكات، بنلاحظ إن محتاجين كوب واحد من السكر لإعداد اتنين وتلاتين كعكة، مطلوب تحديد عدد أكواب السكر لإعداد ستة وتسعين كعكة، بنلاحظ من جدول النِّسَب إن لازم النِّسَب تكون متكافئة؛ وبالتالي بنلاقي إن عدد الكعكات كان اتنين وتلاتين أصبح ستة وتسعين، فبنلاحظ إننا ضربنا في تلاتة، زي ما ضربنا عدد الكعكات في تلاتة يبقى لازم نضرب عدد أكواب السكر في تلاتة، لو فرضنا إن عدد أكواب السكر ع، يبقى ع التي تمثِّل عدد أكواب السكر هتساوي واحد في تلاتة، يبقى الناتج تلات أكواب، يبقى عدد أكواب السكر اللازمة تلات أكواب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.