تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التحويل بين السنتيمتر المكعب واللتر

أحمد لطفي

كم زجاجةً سعة الواحدة منها ١٠٠ سم^٣ تلزم لتخزين ٩ لترات من السوائل؟

٠١:٥١

‏نسخة الفيديو النصية

كم زجاجة سعة الواحدة منها مية سنتيمتر مكعب تلزم لتخزين تسع لترات من السوائل؟

أول خطوة محتاجين نحوّل التسع لترات إلى سنتيمتر مكعب، وبالتالي هنقول إن واحد لتر هتساوي ألف سنتيمتر مكعب. وبما إن معطى إن عندنا تسع لترات من السوائل، محتاجين نشوف هتساوي كام سنتيمتر مكعب، يعني محتاجين نحوّل من وحدة إلى وحدة أصغر منها، يعني هنستخدم الضرب؛ وبالتالي هيكون عندنا تسعة في ألف هيساوي تسعة آلاف سنتيمتر مكعب، يعني عندنا تسع لترات هتساوي تسعة آلاف سنتيمتر مكعب.

ولو عايزين نشوف كام زجاجة سعة الواحدة منها مية سنتيمتر مكعب هتكفي لتخزين تسعة آلاف سنتيمتر مكعب من السوائل، فهنستخدم القسمة؛ وبالتالي هنقول إن عندنا تسعة آلاف سنتيمتر مكعب من السوائل، هنقسمه على مية سنتيمتر مكعب، اللي هي سعة الزجاجة الواحدة، يعني هيساوي … قسمة أي عدد على مية يعني هنحرّك العلامة العشرية خطوتين إلى اليسار؛ وبالتالي تسعة آلاف على مية هيساوي تسعين.

يبقى هنقدر نقول، يعني هنقول: نحتاج إلى تسعين زجاجة سعة الواحدة مية سنتيمتر مكعب لتخزين تسع لترات من السوائل.