فيديو: المقارنة بين الأطوال

قلم داليا الرصاص أطول من قلم أمير، وقلم أمير أطول من قلم يارا. من يملك أطول قلم؟

٠١:١٨

‏نسخة الفيديو النصية

قلم داليا الرصاص أطول من قلم أمير، وقلم أمير أطول من قلم يارا. من يملك أطول قلم؟

عندنا تلات أقلام: قلم داليا، وقلم أمير، وقلم يارا. والسؤال بيقول لنا إن قلم داليا أطول من قلم أمير. فهنحطّ قلمين؛ قلم بتاع داليا، وقلم بتاع أمير. ونخلّي قلم داليا أطول من قلم أمير. آدي ده قلم داليا، وده قلم أمير.

طيّب باقي السؤال بيقول لنا إيه؟ قلم أمير أطول من قلم يارا. يبقى هنحطّ جنب قلم أمير قلم يارا اللي أقصر منه؛ لأن قلم أمير أطول من قلم يارا. هو ده قلم يارا.

دلوقتي عاوزين نعرف من يملك أطول قلم. مين أطول قلم في التلات أقلام دول؟ هنلاقي إن أطول قلم هو قلم داليا؛ لأنه أطول من قلم أمير، وأطول من قلم يارا. فتبقى الإجابة الصح، هي: داليا. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.