فيديو: القوة اللازمة للحصول على عزم دوران محدد

يتم ربط مسامير قلاووظ أسطوانية الرأس في السيارة بعزم 91.0N.m. إذا استخدم الميكانيكي مِفَكَّ ربط طوله 65cm، فما مقدار القوة العمودية التي يجب أن يؤثر بها على نهاية المفك لربط المسمار بشكل صحيح؟

٠١:٤١

‏نسخة الفيديو النصية

يتمّ ربط مسامير قلاووظ أسطوانية الرأس في السيارة بعزم واحد وتسعين نيوتن متر. إذا استخدم الميكانيكي مفك ربط طوله خمسة وستين سنتيمتر، فما مقدار القوة العمودية التي يجب أن يؤثّر بها على نهاية المفك لربط المسمار بشكل صحيح؟

ففيه مسمار عشان يتربط محتاج عزم بيساوي واحد وتسعين نيوتن متر. والمطلوب منّنا إن إحنا نعرف القوة العمودية اللي بيبذلها الميكانيكي على مفتاح الربط، بمعرفة إن طول مفتاح الربط خمسة وستين سنتي.

فالعزم المبذول على جسم هو المسؤول إنه يخليه يدور. والعزم ده بيعتمد على القوة العمودية. وكمان بيعتمد على المسافة ما بين القوة دي ومركز الدوران.

فمثلًا لو الميكانيكي بيحاول يفك المسمار، ولكن المسمار مش راضي يفتح. فقدامه حل من اتنين؛ يا إما يشد المفتاح أكتر، فيأثر عليه بقوة عمودية أكبر. فكده يزوّد العزم اللي بيبذله على المسمار. يا إما يجيب مفتاح أطول فيزود المسافة ما بين المسمار وما بين القوة اللي هو بيبذلها. والمسافة دي بيبقى اسمها ذراع العزم. ففي المسألة بتاعتنا علشان نجيب القوة العمودية هنقسم طرفين المعادل على ذراع العزم. فهنلاقي إن القوة العمودية بتساوي العزم مقسوم على ذراع العزم. ولمّا نعوّض بالقيم هنلاقي إن القوة العمودية بتساوي واحد وتسعين نيوتن متر مقسوم على خمسة وستين سنتيمتر. ونقدر نشيل السنتيمتر ونعوّض مكانه بعشرة أُس سالب اتنين متر. فهنلاقي إن المتر اختُصِر مع المتر. ونطلّع إن القوة العمودية المطلوبة من الميكانيكي بتساوي مية وأربعين نيوتن.

وبكده نبقى عرفنا نجيب القوة العمودية المطلوبة عشان نبذل عزم معيّن في معرفة ذراع العزم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.