فيديو: ضرب عدد عشري في عدد عشري آخر

٢٫٨٥ × ٣٫٢ = _.

٠٢:٣٤

‏نسخة الفيديو النصية

اتنين وخمسة وتمانين من مية في تلاتة واتنين من عشرة، يساوي نقط.

دلوقتي إحنا بنوجد حاصل ضرب لعددين عشريين. طب إزّاي هنقدر نجري عملية ضرب لعددين عشريين؟ أول حاجة هنُهمل العلامات العشرية دلوقتي. وهناخد الأعداد كأنها بدون أيّ علامات عشرية، ونجري عليها عملية الضرب. يعني كأننا بنجري عملية ضرب لاتنين وتلاتين، في ميتين خمسة وتمانين.

ونبدأ نجري الضرب بالطريقة المعتادة. اتنين في خمسة، يساوي عشرة. صفر، وهنحتفظ بالواحد فوق خانة العشرات. بعد كده هنضرب اتنين في تمنية، هيبقى ستاشر. زائد الواحد ده ما ننساهوش، يبقى سبعتاشر. هنكتب السبعة، ونحتفظ بالواحد فوق خانة المئات. ونضرب اتنين في اتنين، هيساوي أربعة. زائد الواحد ده، يبقى خمسة.

دلوقتي هنبتدي نضرب تلاتة في خمسة. وما ننساش ناخد بالنا، إن إحنا حاصل الضرب اللي هنبتدي نحطّه دلوقتي، هنبتديه من خانة العشرات. لأننا بنضرب رقم في العشرات، فبنبدأ نكتب الحاصل الضرب من خانة العشرات.

تلاتة في خمسة، بخمستاشر. خمسة، ونحتفظ بالواحد هنا. وبعدين نضرب تلاتة في تمنية، بأربعة وعشرين. زائد الواحد اللي كنا محتفظين بيه، يبقى خمسة وعشرين. هنكتب خمسة، ونحتفظ بالاتنين فوق خانة المئات. وبعدين نضرب دلوقتي تلاتة في اتنين، يساوي ستة. زائد اتنين، يبقى تمنية.

وبعدين نجمع. الصفر هينزل زيّ ما هو. سبعة زائد خمسة، اتناشر. اتنين، والواحد نحطّه فوق خانة المئات. واحد زائد خمسة، ستة، زائد خمسة حداشر. نكتب الواحد، والواحد التاني هنحطّه فوق خانة الألوف. واحد زائد تمنية، يساوي تسعة. يبقى حاصل الضرب اللي حصلنا عليه، لمّا أهملنا العلامات العشرية في العددين اللي بنتمّ ضربهم، هيبقى تسعة آلاف مية وعشرين.

الخطوة اللي بعد كده هنعمل إيه؟ إحنا العامل الأول كان موجود فيه علامة عشرية، بعدها رقمين على يمين العلامة. والعامل التاني فيه علامة عشرية، بعدها رقم واحد فقط. يبقى هنيجي نشوف حاصل الضرب اللي حصلنا عليه. ومن جهة اليمين نبتدي نعدّ تلات أماكن بالشكل ده. وبعدين نحطّ العلامة العشرية. فيصبح حاصل الضرب هو تسعة واتناشر من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.