فيديو: إيجاد الزمن الذي زُوِّدَ فيه جهاز كهربي بالطاقة

ترك مصباح فلوري قدرته 24W مضاءً لعدة ساعات، وقد زوِّد خلال هذا الوقت بطاقة قدرها 432kJ. كم ساعة ترك المصباح مضاءً؟

٠١:٢٣

‏نسخة الفيديو النصية

ترك مصباح فلوري قدرته أربعة وعشرين وات مضاءً لعدة ساعات، وقد زوِّد خلال هذا الوقت بطاقة قدرها ربعمية اتنين وتلاتين كيلوجول. كم ساعة ترك المصباح مضاءً؟

ففيه مصباح قدرته أربعة وعشرين وات. المصباح ده فضل شغال فترة معينة. وزوِّد خلالها بطاقة مقدارها ربعمية اتنين وتلاتين كيلوجول. ومطلوب منّنا إن إحنا نعرف الزمن اللي زوِّد خلاله بالطاقة دي.

وتعريف القدرة إنها الشغل المبذول خلال زمن معيّن. فعلشان نجيب الزمن ده، هنضرب طرفين المعادلة في 𝑡 على 𝑃. فده هيطلع لنا إن الزمن بيساوي الشغل على القدرة.

ولمّا نعوّض بقيمهم هنلاقي إن الزمن بيساوي ربعمية اتنين وتلاتين كيلوجول على أربعة وعشرين وات. نقدر نعوّض مكان الكيلوجول بعشرة أس تلاتة جول. وبما إن وحدة الوات هي وحدة بتساوي جول على الثانية. فنقدر نشيلها ونعوّض مكانها بجول على الثانية. فنقدر كده نختصر الجول مع الجول. ونطلع إن الزمن بيساوي تمنتاشر في عشرة أس تلاتة ثانية.

وعلشان نجيب الزمن بالساعات، هنلاقي إن الساعة فيها ستين دقيقة، وكل دقيقة فيها ستين ثانية. فده معناه إن إحنا ممكن نجيب الزمن بالساعات، بإننا نقسم الزمن بالثواني على ستين في ستين. فهنلاقي إن الزمن بيساوي خمس ساعات. وبكده نبقى عرفنا نطلّع الزمن اللي بيستهلك فيه المصباح كمية طاقة معينة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.