فيديو: حساب كفاءة محرِّك كارنو

يعمل مُحرِّك كارنو بين مصدر حرارة عند درجة حرارة ‎530°c ومصب حراري عند درجة حرارة ‎27°c. ما كفاءة المُحرِّك؟

٠١:١١

‏نسخة الفيديو النصية

يعمل محرك كارنو، بين مصدر حرارة عند درجة حرارة خمسمية وتلاتين درجة مئوية، ومصبّ حراري عند درجة حرارة سبعة وعشرين درجة مئوية. ما كفاءة المحرك؟

ففيه عندنا محرك كارنو. مصدر الحرارة بتاعته، درجة حرارته بتساوي خمسمية وتلاتين درجة مئوية. أمّا المصبّ الحراري بتاعه، فدرجة حرارته بتساوي سبعة وعشرين درجة مئوية. والمطلوب منّنا إن إحنا نعرف كفاءة المحرك ده. فكفاءة محرك كارنو، هي أعلى كفاءة ممكن يجيبها محرك، ما بين درجتين حرارة. والكفاءة دي بتساوي واحد ناقص؛ حاصل القسمة ما بين درجة حرارة المصبّ الحراري، على درجة حرارة مصدر الحرارة.

وناخد بالنا إن درجات الحرارة اللي بنعوّض بيها هنا، لازم تكون الوحدة بتاعتها بالكلفن. وعشان كده لمَّا نيجي نعوّض بدرجات الحرارة المئوية في المعادلة، هنزوّد عليها ميتين تلاتة وسبعين؛ علشان نحوّلها لكلفن. فهنلاقي إن الكفاءة بتساوي واحد ناقص؛ سبعة وعشرين زائد ميتين تلاتة وسبعين، مقسومة على خمسمية وتلاتين زائد ميتين تلاتة وسبعين. فده هيدّينا إن الكفاءة بتساوي تلاتة وستين من المية.

وبكده نبقى عرفنا نجيب كفاءة محرك كارنو، بمعرفة درجات حرارة المصبّ الحراري، والمصدر الحراري.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.