فيديو: إيجاد حاصل الضرب الديكارتي لمجموعة وتقاطع المجموعات باستخدام شكل فِن

باستخدام شكل فن التالي، أوجد (ﺱ ∩ ﺹ) × ﺹ.

٠٢:٢٧

‏نسخة الفيديو النصية

باستخدام شكل فن التالي، اوجد المجموعة: س تقاطع ص ضرب ص.

عشان نقدر نوجد ناتج هذا الضرب الكارتيزي، لازم أول حاجة نوجد المجموعة س تقاطُع ص. ومن شكل فن التالي، لو حاولنا نوجد المجموعة س تقاطع ص … ومن شكل فن التالي، بنلاحظ إن س وَ ص بيتقاطعوا في المجموعة: اتنين وتسعة. بعد كده هنوجد ص. وبنجد إن ص هتساوي المجموعة: اتنين، وتسعة، وتمنية.

ودلوقتي هنوجد المجموعة س تقاطُع ص ضرب ص كالتالي: المجموعة س تقاطُع ص ضرب ص عبارة عن ضرب كارتيزي. وبينتج عنه مجموعة من الأزواج المرتّبة. وعشان نكوّن الأزواج المرتّبة دي، بنشوف أول عنصر من عناصر المجموعة س تقاطُع ص، وبيكون مسقط أول. والمسقط التاني بيكون عناصر المجموعة ص بالتتابع. يعني الزوج المرتّب الأول هيكون عبارة عن اتنين واتنين. والزوج المرتّب الثاني هيكون عبارة عن اتنين وتسعة. والزوج المرتّب الثالث هيكون عبارة عن اتنين وتمنية.

يبقى بنكتب أول عنصر من عناصر المجموعة س تقاطع ص كمسقط أول في الأزواج المرتّبة التالية. وبنشوف عناصر المجموعة ص بتكون مسقط تاني بالتتابع في هذه الأزواج المرتّبة. بنكمّل، وبنلاقي إن العنصر التاني من عناصر المجموعة س تقاطُع ص عبارة عن تسعة، فبيُكتب كمسقط أول. إذن الزوج المرتَّب ده هيكون عبارة عن تسعة واتنين. وتسعة وتسعة عبارة عن الزوج المرتّب اللي بعده. والزوج المرتّب اللي بعده عبارة عن تسعة وتمنية.

يبقى باستخدام شكل فن التالي، قدرنا نوجد المجموعة س تقاطع ص ضرب ص. وده تمّ باستخدام الضرب الكارتيزي. والناتج كان عبارة عن مجموعة الأزواج المرتَّبة التالية. يبقى مجموعة الأزواج التالية هي الإجابة النهائية والصحيحة للسؤال المذكور.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.