فيديو: إيجاد احتمال اتحاد حدثين

حقيبة بها ١٠ كرات بيضاء و٧ كرات سوداء و٣ كرات حمراء. إذا سُحبتْ كرة عشوائيًّا، فأوجد احتمال أن تكون الكرة المسحوبة سوداء أو حمراء.

٠٢:٢١

‏نسخة الفيديو النصية

حقيبة بها عشرة كرات بيضاء، وسبعة كرات سوداء، وثلاثة كرات حمراء. إذا سُحبت كرة عشوائيًّا، فأوجد احتمال أن تكون الكرة المسحوبة سوداء، أو حمراء.

احتمال حدوث حدثٍ ما بيساوي [عدد النتائج المطلوبة]‎ على عدد النتائج الممكنة. فعدد النتائج الممكنة هيساوي عدد الكرات البيضاء، اللي هو عشر كرات؛ زائد عدد الكرات السوداء، اللي هو سبع كرات؛ زائد عدد الكرات الحمراء، اللي هو تلات كرات. فعشرة زائد سبعة زائد تلاتة هيساوي عشرين نتيجة. ودي النتائج الممكنة.

فلو سمّينا احتمال أن تكون الكرة المسحوبة كرة سوداء، ح واحد. هيبقى ح واحد بيساوي عدد النتائج المطلوبة، اللي هو عدد الكرات السوداء، اللي هو من المعطيات بيساوي سبعة. يبقى سبعة، على عدد النتائج الممكنة، اللي إحنا حسبناه وبيساوي عشرين.

ولو سمّينا احتمال أن تكون الكرة المسحوبة كرة حمراء، ح اتنين. هتبقى ح اتنين بتساوي عدد النتائج المطلوبة، اللي هو عدد الكرات الحمراء. ومن المعطيات الكرات الحمراء هي تلات كرات. يبقى هيساوي تلاتة، على عدد النتائج الممكنة، اللي هو عدد الكرات الكلي. يعني تلاتة على عشرين.

فهيبقى احتمال أن تكون الكرة المسحوبة سوداء أو حمراء بيساوي ح واحد اتحاد ح اتنين. وده هيساوي سبعة على عشرين، اللي هو احتمال أن تكون الكرة سوداء؛ زائد تلاتة على عشرين، اللي هو احتمال أن تكون الكرة حمراء. وبما إن المقامين متساويين، يبقى هنجمع البسطين. فده هيساوي سبعة زائد تلاتة، على عشرين. اللي هيساوي عشرة على عشرين. وبقسمة البسط والمقام على عشرة، ده هيساوي واحد على اتنين. يبقى احتمال أن تكون الكرة المسحوبة سوداء أو حمراء بيساوي واحد على اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.