فيديو: حل معادلات تربيعية بسيطة باستخدام الجذور التربيعية

أوجد حل ﺱ^٢ = ١٦٩/١٦.

٠٢:٢١

‏نسخة الفيديو النصية

أوجد حلّ س تربيع تساوي ستاشر على مية وتسعة وستين.

نعيد كتابة المعادلة. بعد كده نطرح ستاشر على مية وتسعة وستين، من الطرفين. فالمعادلة هتبقى س تربيع ناقص، ستاشر على مية وتسعة وستين، بتساوي صفر. ممكن نعبّر عن ستاشر على مية وتسعة وستين بالصورة: أربعة تربيع على تلتاشر تربيع. اللي بيساوي أربعة على تلتاشر الكل تربيع. فالمعادلة هتبقى س تربيع ناقص، أربعة على تلتاشر الكل تربيع، بتساوي صفر. والمعادلة بالصورة دي، بتمثّل فرق بين مربعين.

في حالة الفرق بين مربعين، لو عندنا أ تربيع ناقص ب تربيع. فده هيساوي أ ناقص ب، في أ زائد ب. يعني ممكن نكتب المعادلة على الصورة: س ناقص، أربعة على تلتاشر؛ في س زائد، أربعة على تلتاشر؛ بتساوي صفر. ده معناه إن إمّا س ناقص أربعة على تلتاشر بتساوي صفر. أو س زائد أربعة على تلتاشر بتساوي صفر.

في الحالة الأولى، لو أضفْنا أربعة على تلتاشر للطرفين، هتبقى س بتساوي أربعة على تلتاشر. وفي الحالة التانية، لو طرحنا أربعة على تلتاشر من الطرفين، هتبقى س بتساوي سالب أربعة على تلتاشر. يبقى حل المعادلة إن س بتساوي أربعة على تلتاشر، أو س بتساوي سالب أربعة على تلتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.