فيديو: قسمة الأعداد العشرية على ١٠

ما قيمة ٣٩٣٫١٣ ÷ ١٠؟

٠٢:١٠

‏نسخة الفيديو النصية

ما قيمة تلتمية تلاتة وتسعين وتلتاشر من مية، على عشرة؟

دلوقتي إحنا عايزين نوجد خارج قسمة تلتمية تلاتة وتسعين وتلتاشر من مية، على عشرة. عايزين نفتكر لمّا بيبقى عندنا عدد عشري، يعني عدد فيه بداخله علامة عشرية. وبنيجي نضرب فيه قوى العدد عشرة، يعني عشرة أو مية أو ألف. بنعمل إيه؟ العملية دي بتبقى سهلة جدًّا. قُصاد كل صفر من الأصفار اللي موجودة في قوى العدد عشرة، بنحرّك العلامة لمّا بنيجي نضرب، جهة اليمين. بنحركها مكان واحد قُصاد كل صفر. يعني لمّا نيجي نضرب في عشرة، زيّ العملية اللي بنعملها دلوقتي، هنحرّك العلامة مكان واحد بس. فهتصبح هنا.

طب لو جينا نضرب في مية؟ دلوقتي أصبح فيه صفرين عندنا، في قوى العدد عشرة اللي بنضربه. فهنحرّك العلامة العشرية دي، هنحرّكها مكانين جهة اليمين. فهتصبح هنا. وبعدها أصفار، فكده كأن العلامة دي مش هتضيف أو هتغيّر أيّ حاجة في العدد. يعني العدد ده هيصبح تلاتة تسعة تلاتة واحد تلاتة. يعني تسعة وتلاتين ألف تلتمية وتلتاشر.

طب يا ترى لو جينا نقسم بقى على قوى العدد عشرة؟ يعني جينا نقسم العدد اللي قدامنا ده، على عشرة، أو مية، أو ألف. عكس اللي كان بيحصل؛ لمّا بنيجي نضرب في قوى العدد عشرة، كُنا بنحرّك العلامة العشرية جهة اليمين. لمّا بنقسم على قوى العدد عشرة، فقُصاد كل صفر من الأصفار اللي موجودة في قوى العدد عشرة، بنحرّك العلامة العشرية مكان واحد إلى جهة اليسار. فيصبح ناتج القسمة زيّ ما إحنا شايفين قدامنا، تسعة وتلاتين وتلتمية وتلتاشر من ألف.

ولو بصينا عَ السؤال اللي عندنا، هنلاقي إن إحنا بنقسم على العدد عشرة. عندنا صفر واحد في العدد اللي بنقسم عليه. فبالتالي هنحرّك العلامة العشرية، زيّ ما قلنا، مكان واحد جهة اليسار. هيصبح الناتج تسعة وتلاتين وتلتمية وتلتاشر من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.