فيديو: حساب المقادير النسبية الموجبة ذات الأسس الصحيحة السالبة المرفوعة لأسس صحيحة سالبة

أيٌّ من المقادير التالية قيمته تساوي (٣/٢)^((−٣)^(−٤))؟ [أ] (٣/٢)^١٢ [ب] (٣/٢)^−١٢ [ج] (٣/٢)^٨١/١ [د] (٣/٢)^−٨١ [ﻫ] (٢/٣)^٨١

٠٣:١٥

‏نسخة الفيديو النصية

أيٌّ من المقادير التالية قيمته تساوي اتنين على تلاتة الكل أس سالب تلاتة أس سالب أربعة؟

ومعطى عندنا الاختيارات. أ: اتنين على تلاتة الكل أس اتناشر. ب: اتنين على تلاتة الكل أُس سالب اتناشر. ج: اتنين على تلاتة الكل أس واحد على واحد وتمانين. د: اتنين على تلاتة الكل أُس سالب واحد وتمانين. هـ: تلاتة على اتنين الكل أس واحد وتمانين.

يعني في الأول معطى عندنا المقدار ده، والمطلوب إننا نوجد قيمته. ففي الأول هنلاحظ إن عندنا المقدار هو اتنين على تلاتة، اللي هو الأساس، مرفوع للأس ده كله. والأس ده هو عبارة عن أس سالب، مرفوع لأس سالب. فأول حاجة هنعملها إننا عايزين نوجد قيمة الأس نفسه. فهيبقى المقدار بيساوي اتنين على تلاتة أس … وهنشوف قيمة الأس ده. فهنلاحظ إن عندنا سالب تلاتة، مرفوعة للأس سالب أربعة.

وعشان نعرف قيمته، خلّينا في الأول نفتكر؛ لو عندنا مقدار بالشكل ده، اللي هو أ مرفوع للأس سالب ب. فلمّا بيكون عندنا عدد مرفوع لأس سالب، فهيبقى بيساوي واحد على أ، وهيبقى أ مرفوع للأس ب. يعني في الحالة دي، هيبقى عندنا الأس موجب. وده بيبقى في حالة إن أ عدد حقيقي لا يساوي صفر، وفي نفس الوقت بيبقى ب عدد صحيح موجب. لأن لو كان ب عدد صحيح سالب، فكان هيبقى سالب في السالب بموجب. فهيبقى أ أس ب. فهتبقى بتساوي نفس القيمة اللي هي أ أُس ب.

فبالتالي لمّا نيجي نطبّق الحالة دي في السؤال اللي عندنا. فهنلاحظ إن عندنا هنا عدد حقيقي لا يساوي صفر، مرفوع لأس سالب. ففي الحالة دي نقدر نكتب سالب تلاتة أس سالب أربعة، في صورة: واحد على، سالب تلاتة أُس أربعة. فبالتالي هيبقى المقدار بيساوي اتنين على تلاتة أس … وهيفضل البسط زيّ ما هو؛ واحد. وأمّا المقام، فهنحسب قيمة سالب تلاتة أس أربعة.

وسالب تلاتة أس أربعة معناها سالب تلاتة في سالب تلاتة، في سالب تلاتة، في سالب تلاتة. فلمّا نحسبها هتبقى بتساوي … سالب تلاتة في سالب تلاتة بتساوي موجب تسعة. وتسعة في سالب تلاتة بتساوي سالب سبعة وعشرين. وسالب سبعة وعشرين في سالب تلاتة هتبقى بتساوي واحد وتمانين. وبالتالي هيبقى سالب تلاتة أُس أربعة بتساوي واحد وتمانين. فمعنى كده إن هيبقى المقام عندنا هو واحد وتمانين.

وبالتالي هيبقى قيمة المقدار اللي معطى عندنا في السؤال هو اتنين على تلاتة الكل أس، واحد على واحد وتمانين. فلمّا نيجي نشوف الاختيارات اللي عندنا، هنلاحظ إن الأختيار ج هو الاختيار الصحيح. وهتبقى إجابة السؤال هي اتنين على تلاتة الكل أُس، واحد على واحد وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.